Gāluega 2:31 - Tokelauan New Testament

³¹ Na kitea e Tavita te mea e tuku e fai e te Atua i he taimi i mua, ma na tautala ai e uiga ki te toetū o te Mehia mai te oti, i te leaga vē, ‘E hēki tuku tiakia ia e te Atua i te lalolagi o tagata oti; e hēki pala tona tino i loto o te tugamau.’

Gāluega 2:31 ပူးပေါင်းရင်းမြစ်များ

Mataio 11:23

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Gāluega 13:35

E vē foki lava oi tūhia i nā Tuhituhiga paia: ‘Ka hē tukua e koe tau kaukauna fakamāoni ke pala tona tino i te tugamau.’

Gāluega 2:27

auā ka hē tuku tiakia au e koe te Atua, i te lalolagi o tagata oti; ka hē tukua e koe te tino o tau kaukauna fakamāoni ke pala i te tugamau.

1 Kolinito 15:4

na tanu, ma toe fakatū mai ai i te oti i te tolu o aho, e vē ona tūhia i nā Tuhituhiga Paia;

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”