Gāluega 2:30 - Tokelauan New Testament

³⁰ Nae he pelofeta ka koi ola ai, ma na ia iloa te folafolaga a te Atua na fai e uiga ki a te ia: na fai te tautōga a te Atua ka ia faia he lāpuna o Tavita ke kavea ma tupu e vē foki lava ko Tavita.

Gāluega 2:30 ပူးပေါင်းရင်းမြစ်များ

Mataio 22:43

Oi lea atu ai ia Iehu ki ei, “He ā la te na fakaohofia ai ia Tavita e te Agaga ke lea ko te Mehia ko te ‘Aliki’? Ko Tavita na lea vē,

Mataio 27:35

Kua fakahātaulo e ki lātou ia Iehu, oi fai ai te lātou vili ke iloa ai te mea kofu o Iehu e maua e te tino.

Maleko 12:36

Ko Tavita lava ia na fakaohofia e te Agaga Paia ke lea vē: ‘Ko te Aliki te Atua na vāgana ki toku Aliki: Nofo i toku itū taumatau, ke pa ki te taimi e tuku ai e au nā fili o koe ki lalo o nā vae o koe.’

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Gāluega 1:16

Kua lea vē atu, “Te kau uho, kua tatau lava ke fakataunuku te mea e tākua i te tuhituhiga paia e uiga ki a Iuta, tē na ia takitakia nā leoleo o te Mālumalu ke ki lātou pukeagia fakapagotā ia Iehu. Ko te mea tēnei na valoia e te Agaga Paia i nā aho kua leva lele, e ala mai ia Tavita.

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

Loma 15:12

Oi lea mai foki ia Ihaia, “Ka hau he lāpuna o Iehe ka hau ke pule ki tagata nukukehe, ma ka tuku atu ki ona luga to lātou fakamoemoe.”

2 Timoteo 2:8

Ke manatua ko Iehu Keliho, tē na toe fakatū mai i te oti, na tupuga mai ia Tavita e vē ona akoakogia e te Tala Lelei e kō tālakia.

Epelu 1:1

I nā aho kua leva, ko te Atua na tautala ki o tātou tupuna e ala i nā pelofeta. Na ia faia te mea tēnei i ni auala kehekehe e lahi, ma i ni taimi kehekehe.

Epelu 3:7

Ko te mea ia, e vē oi lea ai te Agaga Paia: “Kāfai e lagona e koutou te leo o te Atua i te aho nei,

Epelu 4:7

E iloa e ki mātou auā kua fakailoga e te Atua hētahi aho e takua i te tuhituhiga paia, ko te “Aho nei.” I nā tauhaga e lahi i tua mai, na fakailoa mai e ia nā mea iēnei e ala ia Tavita, i nā tuhituhiga e vē ona tākua: “Kāfai e fakalogo koutou ki te leo o te Atua i te aho nei, koutou nahe loto makaka.”

Epelu 6:17

Mo nā tino ka ki lātou mauagia nā mea kua uma te folafolagia, e fofou te Atua ke iloa e ki lātou ko tana folafolaga e hē hūia lele; ma ko te mea ia na fakaopoopo ai e ia tana tautōga ki tana folafolaga.

Epelu 7:21

Kae ko Iehu na kavea ma ohitāulaga e ala i he tautōga, i te leaga vē o te Atua ki ei, “Kua fai te tautōga a te Aliki ma e hē toe ia huia lele: ‘Ko koe ka fai ma ohitāulaga ke pa ki te fakavavau.’ ”

2 Petelu 1:21

Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”

Fakaaliga 19:16

E tūhia i luga o te vāega o tona kofu tatao i luga o tona ālaga te igoa iēnei, “Ko te Tupu o tupu ma te Aliki o aliki.”