Gāluega 2:3 - Tokelauan New Testament

³ Ma ki lātou kitea ai nā mea e vēia ni laulaufaiva afi kua i luga o ki lātou tau tokatahi uma nae i kinā.

Gāluega 2:3 ပူးပေါင်းရင်းမြစ်များ

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Luka 24:32

Oi lea atu ai tētahi tino ki tētahi, “E hēki mu nei la o tā loto i te taimi nae faitala mai ai ia ki a te ki tāua i luga o te auala, ma te fakamatala maiga o nā Tuhituhiga Paia?”

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 2:11

ni tino Iutaia ma ni tino nukukehe kua talitonu ki nā tāpuakiga faka-Iutaia; ka ko iētahi e ōmamai mai Kelete ma Alapi — kae na fakalogo uma lava ki tātou ki a te ki lātou e tautatala i nā gagana a ki tātou, ki te uiga kehe o nā mea kua fai e te Atua!”

Gāluega 2:2

Kae teki lava kua fanaifo he leo mai te lagi e vē ko te agi a he matagi mālohi, kua agi ki loto o te fale ma fakatumulia ai te fale kātoa e maopoopo ai ki lātou.

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

1 Kolinito 12:10

E fōki e te Agaga ki tētahi tino te mana ke fai ai nā vāvega; ki tētahi te folafolaga o te fekau a te Atua; ma ki tētahi te mālamalama e ia iloa ai te kehekehega o nā meaalofa e kaumai e te Agaga, ma nā meaalofa e hē mai ia te ia. Ki tētahi tino e fōki ki ei te poto ke tautala ai i nā gagana kehekehe, ma ki tētahi, e fōki ki ei te poto ke fakamatala ai nā mea e tautatala ai.

Iakopo 3:6

Ma ko te laulaufaiva e vē ko he afi. Ko he lalolagi o mea hehē, ma ko he vāega o nā itū tino o ki tātou, e ia fakakinoa o tātou tagata kātoa. E fakamū e ia o tātou ōlaga kātoa i te afi mai kēna.

Fakaaliga 11:3

Ka uga atu e au aku molimau e toka lua e lākei i ni kofutaga, ma ka ki lā folafolagia te fekau a te Atua i nā aho iēnā e 1,260.”

Fakaaliga 14:6

Oi kō kitea atu ai hētahi agelu e lele maualuga ake i te vānimonimo ma he fekau e uiga ki he Tala Lelei e tūmau pea ke pa ki te fakavavau, ke folafola ki tagata uma o te lalolagi, ki lanu uma, ki nuku uma, ki gagana uma ma mālō uma.