Gāluega 2:22 - Tokelauan New Testament

²² “Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Gāluega 2:22 ပူးပေါင်းရင်းမြစ်များ

Mataio 12:28

Hēai, e hē ko Pelehepulo kae ko te Agaga o te Atua te fōki maia ki a te au te pule ke tuli ai nā tēmoni ki fafo, ma e fakamāonia ai ko te Mālō o te Atua kua i kinei ia te koutou.

Mataio 2:23

ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Luka 11:20

Hēai, ko te pule lava a te Atua te tuli ai e au nā tēmoni ki fafo, ma ko tēnei te mea e fakamāonia ai ko te Mālō o te Atua kua i kinei ia te koutou.

Luka 18:37

Kua tali atu nā tino ki ei, “Ko Iehu te Nahaleta e kui ake i te auala.”

Luka 24:18

Oi fehili atu ai ki ei tētahi o ki lāua, ko Kaleopa tona igoa, “Ko koe nei oioti te tino āhiāhi ki Ieluhalema, e hē ia iloa nā mea na tutupu i kinā taluai nei?”

Ioane 1:45

Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Ioane 10:37

Kāfai e hē faia e au nā mea e fai e toku Tamana, ia koutou la nahe talitonu mai ki a te au.

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Ioane 12:17

Ko te kaifenua nae i ei fakatahi ma Iehu i te kalagaga ki a Lahalo ke hau ki fafo o te tugamau, ma ia fakatūa ai mai te oti, na ki lātou fakailoa ki tagata te mea tēnei na tupu.

Ioane 15:24

Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 19:19

Na fakatonu foki e Pilato ke tuhi he fakaaliga ma tuku ki luga o te hātaulo. Ko te fakaaliga e vēnei, “Iehu te Nahaleta, te Tupu o Tagata Iutaia.”

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 4:48

Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 9:33

E hē mafai e te tino tēnei oi fai he mea vēnei, vaganā na hau mai te Atua.”

Gāluega 13:16

Na tū atu loa ia Paulo, kua fakatū atu tona lima ki te fakapotopotoga ma kāmata loa oi tautala: “Koutou oku tagata Ihalaelu ma tagata nukukehe uma i kinei e tāpuaki ki te Atua: fakalogo mai!

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

Gāluega 2:19

Ka kō faia ni vāvega i te lagi i luga, ma ni fakailoga i te lalolagi i lalo. Ka i ei te toto, te afi, ma te ahu māfiafia;

Gāluega 2:43

E lahi nā vāvega ma nā fakailoga na fai e ala i te kau apohitolo, ma na mātataku lele ai ia tagata uma.

Gāluega 21:28

Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

Gāluega 22:8

Oi fehili ai au, ‘Te Aliki, ko ai koe?’ Oi vāgana vē mai ai, ‘Ko au ko Iehu te Nahaleta, tē kua fakahāuā koe ki ei.’

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 26:26

Akalipa te Tupu! E mafai au ke tautala vēnei atu ki a te koe auā kua iloa e koe nā mea iēnei. E mautinoa e au kua mātau e koe nā mea takitahi uma iēnei, auā ko te mea tēnei e hēki tupu i he mea pōuli.

Gāluega 26:9

“Na pa foki lava au ki te lagona ko au ke teteke mālohi ki te igoa o Iehu te Nahaleta.

Gāluega 3:12

Kua kitea atu e Petelu nā tino, oi lea vē atu ai ki ei, “Oku uho Ihalaelu, he ā te tēteki ai koutou i te mea tēnei, ma he ā foki te kikila vēnā mai ai outou mata ki a te ki māua? E vēake koutou ko he mana e o ki māua lava, pe ko ki māua e lelei i te kikila a te Atua, te na mafai ai e ki māua oi fakahavali te tino tēnei?

Gāluega 3:6

Kae kua lea vē atu ia Petelu ki ei, “E hēai haku tupe e fokotahi, kae ka kō fōki atua te mea e ia te au; i te igoa o Iehu Keliho o Nahaleta, e lea atu ai au ki a te koe, tū ki luga oi havali!”

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.

Gāluega 5:35

oi lea vē atu ai ki te Taupulega, “Oku uho Ihalaelu, kikila totoka ki tautou mea ka fai ki nā taulelea iēnei.

Gāluega 6:14

Na ki mātou lagona e lea ko te Iehu tēnei mai Nahaleta, ka talepe e ia ki lalo te Mālumalu, ma tahui na tu māhani uma na tuku mai ki a te ki tātou e Mohe!”

2 Kolinito 12:12

Ko te lahi o nā fakailoga ma nā mea ofoofogia e fakamāonia ai ko au ko he apohitolo, nae kō fakatinoa i te mea e i ei koutou ma toku onohai lahi.

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.