Gāluega 2:10 - Tokelauan New Testament

¹⁰ mai Fulugia ma Pamefulia, mai Aikupito ma nā koga o Lipuē e pili ki Kulene; ko iētahi o ki mātou e ōmamai mai Loma,

Gāluega 2:10 ပူးပေါင်းရင်းမြစ်များ

Mataio 2:15

ma na nonofo ai lava i kinā ke pa ki te taimi na oti ai ia Helota. Ko te mea tēnei na taunuku ai te vāgana a te Aliki na kui mai i te pelofeta, “Na kalaga au ki toku ataliki ke hau mai Aikupito.”

Mataio 23:15

“Kae hāloa la koutou faiakoga o te Tūlāfono ma te kau Falehaio! Ko koutou ni tagata fakagutugutulua. E faimalaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluaina ai te faigōfie oi fano te tino tēnā ki kēna, e vē foki lava ko koutou.

Mataio 27:32

Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu.

Maleko 15:21

Kua tau atu ki lātou ki he tamāloa e igoa ki a Himona, nae agai mai ki te kakai mai nā nuku i tua, oi fakamālohia ai e nā fitafita ia Himona ke amo e ia te hātaulo o Iehu. (Ko Himona e hau mai Kulene, ko te tamana ia o Alehana ma Lufo.)

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 13:13

Oi folau ai ia Paulo ma ona hoa mai Pafoho ma taunuku atu ki Pelekē, he kakai i Pamefulia; ko kinā te na tētēka ai ki lātou ma Ioane Maleko ona kua toe foki ki Ieluhalema.

Gāluega 13:43

Kua tākape te maopoopoga i te hūnako, oi taumulimuli ai ki a Paulo ma Panapa nā tino Iutaia e tokalahi, vēnā ma nā tino nukukehe e tokalahi kua liliu ki te tāpuakiga Iutaia. Oi tautatala atu ai nā apohitolo ki a te ki lātou, ma fakamākekeke ki ei ke tūmau pea to lātou ola fakalagolago ki te alofa tūnoa o te Atua.

Gāluega 14:24

Oi kui atu ai ki lāua i loto o Pihitia ma taunuku atu ki Pamefulia.

Gāluega 15:38

kae ko te manatu o Paulo, e hē tatau ke kave ona e hēki mafai ke nofo ke uma te lātou gāluega tālaki, kae na toe foki kae tuku ki lāua i Pamefulia.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 17:21

(Auā ko tagatānuku uma lele o Atenai, ma nā tino kehe e nonofo ai, e fiafia ke nonofo oi faitatala ma fakalogologo ki nā mea fou.)

Gāluega 18:2

I kinā, na fetaui ai ma he tino Iutaia e igoa ki a Akula, na fānau i Ponitoho, ma na fātoā ōmamai i Italia ma tana āvaga ko Pihila, ona ko te fakatonuga a Kaihala Kalautiona, ko nā tino Iutaia uma i Loma ke olo kehe. Na fano ia Paulo oi fakahula ki ei,

Gāluega 18:23

Na mataloa malie i kinā, oi fano ai kua kui loto i te kogāfenua o Kalatia ma Fulugia, ma fakamākeke atu ki te kau Kelihiano uma.

Gāluega 2:11

ni tino Iutaia ma ni tino nukukehe kua talitonu ki nā tāpuakiga faka-Iutaia; ka ko iētahi e ōmamai mai Kelete ma Alapi — kae na fakalogo uma lava ki tātou ki a te ki lātou e tautatala i nā gagana a ki tātou, ki te uiga kehe o nā mea kua fai e te Atua!”

Gāluega 23:11

I te pō tēnā, na tū ai te Aliki i tafa o Paulo ma vāgana vē atu ki ei, “Ia koe nā mataku! E vē ona molimau koe e uiga ki a te au i kinei i Ieluhalema, e tatau foki ke kē faia te mea tēnei i Loma.”

Gāluega 27:5

Na kui atu ki mātou i gātai o Kilikia ma Pamefulia, oi pa ai ki mātou ki Mula i Lukia.

Gāluega 28:15

Kua logotala te kau Kelihiano i Loma e uiga ki a te ki mātou, oi na ōmamai ai mai nā tamā kakai, ke pa lava ki nā tamā kakai e tau mamao mālie kehe atu e vē ko te Māketi o Apiou ma nā Faletalimālō e Tolu, ke feiloaki ki mātou. I te kitea atuga e Paulo nā tino iēnei, oi fakafetai ake ai ki te Atua ma na matuā fakalototelegia ai ia.

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

Gāluega 6:9

Kae nae teteke ki ei ni taulelea mai te hūnako o Tagata kua Fakahaolotogia (e vē oi fakaigoa ai), ma e aofia ai nā tino Iutaia mai Kulene ma Alehania. Ko ki lātou iēnei fakatahi ma iētahi tino Iutaia mai nā kogāfenua o Kilikia ma Ahia, kua kāmata oi fai fīnauga ma Hetefano.

Loma 1:15

Ko te mea ia e naunau lele ai au, ke kō folafola atua foki te Tala Lelei ki a te koutou iēnā e nonofo i Loma.

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

2 Timoteo 1:17

kae na pa mai lava ki Loma oi kāmata loa oi ia hakilia au, ma na iku lava oi ia maua au.

Fakaaliga 11:8

ma ka tatitia o lā tino i luga o te auala o te kakai tāua, te mea na fakahātaulo ai te Aliki. Ko te igoa tau fakaataata o te kakai tēnā ko Hotoma pe ko Aikupito.