Gāluega 2:1 - Tokelauan New Testament

¹ Kua pa ki te aho o te Penitekoho, oi fakapotopoto ai ki lātou uma kua talitonu, ki he mea e fokotahi.

Gāluega 2:1 ပူးပေါင်းရင်းမြစ်များ

Gāluega 1:5

Na papatiho e Ioane ia tagata i te vai, kae i ni nai aho, ko koutou ka papatiho i te Agaga Paia.”

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

Gāluega 4:24

I te fakalogoga o ki lātou ki te mea na tupu, oi tatalo fakatahi ai ki lātou ki te Atua vēnei, “Te Aliki te Tupu, na kē faia te lagi ma te lalolagi, te tai, ma nā mea uma e i ei!

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Gāluega 4:32

Kua gātahitahi ia loto ma māfaufau o te vāega kua talitonu ki a Iehu. E hēai lele he tino o ki lātou na lea ko ana meatōtino e a ia lava, kae na ki lātou fakaaogā fakatahi nā mea uma lele a ki lātou tau tokatahi.

Gāluega 5:12

E lahi nā vāvega ma nā fakailoga na fai e te kau apohitolo i te mea nae i ei ia tagata. Ko nā tino uma lele kua talitonu ki a Iehu kua fakapotopoto fakatahi i te Poletito o Holomona.

Loma 15:6

kae ke mafai ai koutou fakatahi ke viviki ake i te leo e tahi, ki te Atua ma te Tamana o tō tātou Aliki ko Iehu Keliho.

1 Kolinito 16:8

Ko au ka nofo i kinei i Efeho ke pa ki te aho Penitekoho.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 2:2

Ko au la e naunau lele ke fakakātoatoa e koutou toku fiafia, kāfai koutou e tahi i te manatu, tahi i te alofa, ma tahi i te loto ma te māfaufau.