Gāluega 19:4 - Tokelauan New Testament

⁴ Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”

Gāluega 19:4 ပူးပေါင်းရင်းမြစ်များ

Ioane 1:15

Na molimau ia Ioane e uiga ki a te ia, ma nae taukalaga vēia, “Ko tēnei te tino na lea atu ai au, i toku lea atuga vē, ‘E hau mulimuli ia ia te au, kae e hili atu tona mamalu i lo au, auā nae i ei ia ka ko hēki fānau mai au.’ ”

Ioane 1:26

Kua tali mai ia Ioane, “E kō papatihoa koutou i te vai, kae e i kinā ia te koutou he tino, e hē koutou iloa.

Ioane 1:27

E mulimuli mai ia ia te au, kae e hē aogā au ke kō tatala ona hēvae.”

Ioane 1:7

na hau ke fai ma molimau, ma fakailoa atu ki tagata e uiga ki te mālamalama, kae ke talitonu uma ai ki lātou ona ko ia.

Gāluega 1:5

Na papatiho e Ioane ia tagata i te vai, kae i ni nai aho, ko koutou ka papatiho i te Agaga Paia.”

Gāluega 11:16

Oi kō manatua ai te vāgana a te Aliki, ‘Na papatiho e Ioane i te vai, kae ka papatiho koutou i te Agaga Paia.’