Gāluega 19:3 - Tokelauan New Testament

³ Kua fehili atu ia Paulo, “He ā te uiga o te papatihoga ki a te koutou?” Oi tali mai ai ki lātou, “Ko te papatihoga na folafola e Ioane.”

Gāluega 19:3 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Luka 7:29

Ko nā tino uma lele nae fakalogologo ki a Ioane; ma e pa foki lava ki nā aolafoga, na uhitaki ki te Atua ma na ki lātou faia te mea e hako i te kua oatu ke papatiho ki lātou e Ioane.

Gāluega 18:25

Na fakaako lelei ia e uiga ki te Ala o te Aliki, ma nae fiafia lahi lele oi folafola ma fakailoa hako atu nā fakamatalaga e uiga ki a Iehu. Kae oioti lava te mea na ia iloa ko te papatihoga a Ioane.

Gāluega 8:16

Auā ko te Agaga Paia ko hēki fanaifo ki luga o hētahi o ki lātou; kua papatiho oioti ki lātou i te igoa o te Aliki ko Iehu.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

Epelu 6:2

Ma e hē tatau ke haga akoako pea e ki tātou e uiga ki nā papatihoga, te tuku o nā lima ki luga o he tino ke fakamanuia; te toe fakatutū o tagata mai te oti ma te fakamahinoga a te Atua e hēai he gataaga.