Gāluega 19:2 - Tokelauan New Testament

² oi fehili vē ai ki ei, “Na fanaifo te Agaga Paia ki outou luga i te kaveaga o koutou ma Kelihiano?” Kua tali mai ki lātou, “E hēki fakalogo lele ki mātou e i ei he Agaga Paia.”

Gāluega 19:2 ပူးပေါင်းရင်းမြစ်များ

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

Gāluega 10:44

Ka koi tautala ia Petelu, kae fanaifo te Agaga Paia ki luga o ki lātou uma nae fakalogologo ki te fekau.

Gāluega 19:5

I te fakalogoga o ki lātou ki te mea tēnei, oi papatiho ai loa ki lātou i te igoa o te Aliki ko Iehu.

Gāluega 2:17

‘Kua vāgana te Atua: Ko tēnei te mea ka kō faia i nā toe aho: Ka kō liligia toku Agaga ki luga o tagata uma. Ka tālaki e autou fānau taku fekau; ka kitea e outou taulelea talavou ni fakaaliga, ma ka fai miti nā tino mātutua.

Loma 1:11

Auā ko au e fofou lahi lele ke feiloaki ma koutou, kae ke mafai ai oi maua fakatahi e ki tātou he fakamanuiaga fakateagaga, ke mālolohi ātili ai koutou.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

Kalatia 3:5

E fōki atu nei e te Atua tona Agaga ki a te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?