Gāluega 18:8 - Tokelauan New Testament

⁸ Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 18:8 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Maleko 5:22

Kua pa atu ki kinā ia Iāilo, ko hētahi o takitaki o te hūnako ma i te ia kitea atuga o Iehu, oi fakapakū ai ki tafa o ona vae,

Maleko 5:35

Ka koi tautala vēnei atu ia Iehu, kae taunuku mai ni kavefekau mai te fale o Iāilo, ma kua lea vē atu ki lātou ki a Iāilo, “Ko tō afafine kua oti. He ā la te toe fakalavelave tauanoa ai ki te Faiakoga?”

Gāluega 10:2

He tino e mataku i te Atua; ko ia ma tona kāiga kātoa e tāpuaki ki te Atua. E lahi foki ana mea nae fai ke fehoahoani ai ki nā tino Iutaia mātitiva, ma nae tatalo pea lava ki te Atua.

Gāluega 11:14

Ka tautala atu ia ki a te koe i nā kupu e fakaola ai koe, vēnā ma tō kaukāiga kātoa.’

Gāluega 13:15

Kua uma te faitauga mai te Tūlāfono a Mohe ma nā tuhituhiga a te kau pelofeta, oi kave ai te faifekau a nā takitaki o te hūnako ki a te ki lātou e vē, “O mātou uho, kāfai e i ei hautou kupu fakamālohi mo te fakapotopotoga, e mafai ke fai i te taimi nei.”

Gāluega 16:34

Oi kave ai e ia ia Paulo ma Hila ki tona fale ma fai te lā katiga. Na fakatumulia i te fiafia te leoleo falepuipui ma tona kau kāiga, auā ko ki lātou kua talitonu ki te Atua.

Gāluega 18:1

Kua teka atu nā mea iēnā, oi fano ai ia Paulo mai Atenai ki Kolinito.

Gāluega 18:17

Kua puke e ki lātou uma ia Hohetene te takitaki o te hūnako, ma kini i mua o te fakamahinoga. Kae e hēki tokaga lele ki ei ia Kaliono.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Gāluega 8:12

Kae i te taimi na talitonu ai ki lātou ki te fekau a Filipo e uiga ki te Tala Lelei o te Mālō o te Atua ma e uiga ki a Iehu Keliho, oi papatiho ai ki lātou; ko taulelea fakatahi ma fafine.

1 Kolinito 1:2

Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

2 Kolinito 1:23

E molimau te Atua — na ala toku hē fanatu ki a te koutou i Kolinito, ona e hēki fofou au ke toe fakamanuka outou loto.

2 Kolinito 6:11

Te kau uho pele i Kolinito, ko nā kupu kua tautatala atu ai ki mātou e moni lava; ko ki mātou e alolofa lahi atu ki a te koutou.

2 Timoteo 4:20

Ko Elahito na nofo i Kolinito, ma na tuku e au ia Tolofimo i Mileto ona nae tauale.