Gāluega 18:7 - Tokelauan New Testament

⁷ Oi na fano ai loa kua nofo i te fale o he tino nukukehe e igoa ki a Titiona Iuhito, he tino nae tāpuaki ki te Atua i te lotu Iutaia; ko tona fale nae tū i tafa o te hūnako.

Gāluega 18:7 ပူးပေါင်းရင်းမြစ်များ

Ioane 9:31

E iloa e ki tātou ko te Atua e hē fakalogo ki nā tino agahala; kae e fakalogo ki nā tino e tāpuaki ake ki a te ia ma faia nā mea e fofou ia ki ei.

Gāluega 10:2

He tino e mataku i te Atua; ko ia ma tona kāiga kātoa e tāpuaki ki te Atua. E lahi foki ana mea nae fai ke fehoahoani ai ki nā tino Iutaia mātitiva, ma nae tatalo pea lava ki te Atua.

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 13:42

Kua tutū atu ia Paulo ma Panapa ka olo kehe mai te hūnako, kae talohaga mai ki ei ia tagata ke toe ōmamai i te Hāpati ka hohoko mai, ke fakaauau a lā talanoaga ki nā mea iēnei.

Gāluega 13:43

Kua tākape te maopoopoga i te hūnako, oi taumulimuli ai ki a Paulo ma Panapa nā tino Iutaia e tokalahi, vēnā ma nā tino nukukehe e tokalahi kua liliu ki te tāpuakiga Iutaia. Oi tautatala atu ai nā apohitolo ki a te ki lātou, ma fakamākekeke ki ei ke tūmau pea to lātou ola fakalagolago ki te alofa tūnoa o te Atua.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 16:14

Ko tētahi o fafine na ia lagona a mātou tala ko Litia, e hau mai Tuateilo, he tino fakatau koloa i nā kie violē taugatā. Ko he fafine nae tāpuaki ki te Atua, ma na tatala ai e te Aliki tona māfaufau ke mālamalama i te mea nae tautala ai ia Paulo.

Gāluega 17:4

Ko iētahi tino o ki lātou na talitonu ma na kau fakatahi ai ma Paulo ma Hila; na vēnā foki te tokalahi o nā fafine takutakua i te kakai ma nā tino Eleni, kua talitonu ma tāpuaki ki te Atua.

Kolohe 4:11

E alofa atu foki ia Iehu, ko tētahi ona igoa ko Iuhito. Ko ki lātou iēnei e toka tolu, ko nā tino Iutaia oioti lava ia e gālulue fakatahi ma au mo te Mālō o te Atua, ma e fehoahoani lahi lele mai ki a te au.