Gāluega 18:2 - Tokelauan New Testament

² I kinā, na fetaui ai ma he tino Iutaia e igoa ki a Akula, na fānau i Ponitoho, ma na fātoā ōmamai i Italia ma tana āvaga ko Pihila, ona ko te fakatonuga a Kaihala Kalautiona, ko nā tino Iutaia uma i Loma ke olo kehe. Na fano ia Paulo oi fakahula ki ei,

Gāluega 18:2 ပူးပေါင်းရင်းမြစ်များ

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

Gāluega 18:18

Na nonofo fakatahi ia Paulo ma te kau Kelihiano i Kolinito i ni aho e lahi, oi tukua ai e ia ki lātou, kae folau ma Pihila ma Akula ki Hulia. Ka ko hēki folau kehe ia Paulo mai Kegeleaiha, na tafi tula tona ulu ona he tautōga e a ia na fai.

Gāluega 18:26

Na kāmata loa oi tautala atu ia Apolo ma te hē mataku i loto o te hūnako. I te lagonaga e Pihila ma Akula te tautalaga a Apolo, oi kave ai e ki lāua ki to lā fale ma fakamālamalama hako ki ei e uiga te Ala o te Atua.

Gāluega 2:9

Ko ki tātou ni tino e ōmamai mai Pahoi, Mētoi ma Elamitai; mai Mehopotamia, Iutea ma Kapatokia; mai Ponitoho ma Ahia,

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 27:6

Ko kinā na maua ai e te takitaki o te vaegākau Loma he vaka mai Alehania ka folau ki Italia, oi fakaeke ai loa ki mātou ki luga.

1 Kolinito 16:19

E momoli atu nā fakamanuiaga mai nā Ekalehia i te itūmālō o Ahia mo koutou; ko Akula ma Pihila ma te Ekalehia e fai a lātou māfutaga i to lā fale, e momoli atu a lātou fakamanuiaga lahi i te igoa o te Aliki.

2 Timoteo 4:19

E momoli atu nā alofaaga ki a Pihila ma Akula, ma te kāiga o Onehifolou.

Epelu 13:24

Momoli atu o mātou alofaaga ki nā takitaki o koutou ma tagata uma o te Atua. E momoli atu foki nā alofaaga mo koutou mai nā tino kua talitonu ki te Atua i Italia.

1 Petelu 1:1

Mai ia Petelu, he apohitolo e a Iehu Keliho — Ki nā tino kua filifilia e te Atua, e nonofo e vē ni tagata kua fakaaunukua ma e takape i nā kogāfenua o Ponitoho, Kalatia, Kapatokia, Ahia ma Pitunia.