Gāluega 17:5 - Tokelauan New Testament

⁵ Kae ko iētahi tino Iutaia kua maua i te lotokino, ma kua ki lātou fakamāopoopo maia he kaifenua o nā tino tataka holo i nā auala. Kua fakatupu e ki lātou te piha ma te vevehi i loto o te kakai kātoa ma ohofaki e ki lātou te fale o he tamāloa e igoa ki a Iahona, i he taumafaiga ke hakili ia Paulo ma Hila ke kaumai ki tagata.

Gāluega 17:5 ပူးပေါင်းရင်းမြစ်များ

Mataio 27:18

Auā kua ia iloa lelei lava ko te lotokino o nā takitaki o tagata Iutaia, na ki lātou kavakea ai ia Iehu ki a te ia.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 17:6

Kae e hēki maua e ki lātou te toka lua ki kinā, ma ko te mea ia na toho ai e ki lātou ia Iahona ma iētahi tino kua talitonu ma kave ki mua o te taupulega ma taufōlulua vē, “Ko nā tino iēnei kua ki lātou fakatupuagia te vevehi i ho he koga e olo ki ei! Nei, kua ōmamai ki to tātou kakai,

Gāluega 17:7

ma kua talia ki lātou e Iahona ki loto o tona fale. Kua holi e ki lātou uma nā tūlāfono a te Kaihala, ma na lea e i ei tētahi tupu, ko tona igoa ko Iehu.”

Gāluega 17:9

Oi fakatonu ai ia Iahona ma iētahi tino e te taupulega, ke totogi te tupe e mafai ke tatala ai ki lātou ki tua, ma tuku ai ke olo.

Gāluega 18:12

I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 19:40

Auā e ono mōlia ki tātou kua fakatutupu e ki tātou he vevehitū, ona ko te mea kua tupu i te aho nei. E hēai lele he mea na tatau ai ke tupu he vevehitū vēnei, ma e hēai foki he māfuaaga tatau.”

Gāluega 7:9

“Na maua nā ataliki o Iakopo i te lotokino ki to lātou taina ko Iohefa, oi fakatau atu ai e ki lātou ke fai ma pologa i Aikupito. Kae nae fakatahi pea te Atua ma Iohefa,

Loma 16:21

E momoli atu ia alofaaga o Timoteo, toku hoa e gālulue fakatahi ki māua, mo koutou; e vēnā foki ia Loukio, Iahona, ma Huhipaito, oku uho a Iutaia.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

2 Kolinito 11:26

I te lahi o aku malaga, nae lamatia toku ola i nā lolovai, nā tino fāomea, mai oku tagata tōtino ma tagata nukukehe; nae lamatia i nā kakai lalahi, i te vaomatua, i te moana, vēnā foki mai nā uō pepelo.

Kalatia 5:21

ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei e vē foki ona lapataki atu au muamua: ko nā tino e ki lātou faia nā mea iēnei ka hē faia mo ki lātou te Mālō o te Atua.

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

Iakopo 4:5

Koutou nahe vēakē e hē moni te tuhituhiga paia e lea vē mai, “Ko te agaga na tuku mai e te Atua ki a te ki tātou, e tumu i nā manakoga mālolohi.”