Gāluega 17:4 - Tokelauan New Testament

⁴ Ko iētahi tino o ki lātou na talitonu ma na kau fakatahi ai ma Paulo ma Hila; na vēnā foki te tokalahi o nā fafine takutakua i te kakai ma nā tino Eleni, kua talitonu ma tāpuaki ki te Atua.

Gāluega 17:4 ပူးပေါင်းရင်းမြစ်များ

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Gāluega 13:43

Kua tākape te maopoopoga i te hūnako, oi taumulimuli ai ki a Paulo ma Panapa nā tino Iutaia e tokalahi, vēnā ma nā tino nukukehe e tokalahi kua liliu ki te tāpuakiga Iutaia. Oi tautatala atu ai nā apohitolo ki a te ki lātou, ma fakamākekeke ki ei ke tūmau pea to lātou ola fakalagolago ki te alofa tūnoa o te Atua.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 14:4

Na vaelua nā tino o te kakai: ko iētahi kua kau ki nā tino Iutaia, ka ko iētahi kua kau ki nā apohitolo.

Gāluega 15:22

Oi tonu ai i te kau apohitolo ma toeaina vēnā ma te Ekalehia kātoa, ke filifili ni taulelea ke olo fakatahi ma Paulo ma Panapa ki Anitioka. Na filifili ai e ki lātou ni tino e toka lua e fakamoemoegia lele e nā tino kua talitonu, ko Iuta, ko tētahi ona igoa ko Pāhapa, ma Hila,

Gāluega 15:27

Kua ki mātou uga atua la ia Iuta ma Hila, ke taku hako atu e ki lāua ki a te koutou te mea tēnei kua tuhi atu ai ki mātou.

Gāluega 15:32

Ko Iuta ma Hila, ni pelofeta foki lava ki lāua, na mataloa te taimi na tautatala ai ki nā tino iēnei kua talitonu, ma na maua ai e ki lātou te loto toa ma te mākekeke.

Gāluega 15:40

ka kua filifili e Paulo ia Hila ma olo kehe ai, kua tuku atu ki lāua e te kau Kelihiano ki te tauhiga ma te alofa tūnoa o te Aliki.

Gāluega 16:3

Na fofou ia Paulo ke ia kavea ia Timoteo, oi na pelitome ai e ia. Na ia faia te mea tēnei auā kua iloa e tagata Iutaia uma i nā koga iēnā, ko te tamana o Timoteo he Eleni.

Gāluega 17:10

Na pa loa lava ki te pō, oi uga ai ia Paulo ma Hila e nā uho Kelihiano ke olo ki Peloia. Kua taunuku atu ki lāua ki kinā, oi olo ai ki te hūnako o tagata Iutaia.

Gāluega 17:12

E tokalahi nā tino na talitonu; ma e tokalahi nā fafine Eleni mai nā kāiga tūtūlelei ma tokalahi nā taulelea Eleni na talitonu foki.

Gāluega 17:14

Oi na uga ai loa e te kau Kelihiano ia Paulo ma ni iētahi taulelea ke olo ki he koga tū matāfaga; kae kua nonofo ia Hila ma Timoteo i Peloia.

Gāluega 17:17

Ko te mea ia nae talatalanoa ai ma nā tino Iutaia i te hūnako fakatahi ma nā tino nukukehe nae tāpuaki ki te Atua. Na talatalanoa foki ma nā tino i te māketi vēnā ma ki lātou na kui atu i kinā.

Gāluega 17:34

E i ei nā taulelea na talitonu ma na mulimuli ai i te kau a Paulo, ma ko tētahi o ki lātou iēnei ko Tionihio, he tino e o te taupulega; nae i ei foki he fafine e igoa ki a Tamali, ma iētahi tino.

Gāluega 18:4

Nae fai ana talatalanoaga i te hūnako i nā Hāpati takitahi uma, i ana taumafaiga ke talitonu nā tino Iutaia ma nā tino Eleni ki nā mea e akoako ake ai ki lātou e ia.

Gāluega 19:10

Na kātoa te lua tauhaga nae fai ai e ia te mea tēnei, ma ko nā tino uma nae nonofo i te itūmālō o Ahia, nā tino Iutaia ma nā tino nukukehe, na ki lātou lagona te kupu a te Aliki.

Gāluega 2:44

Na tūmau pea lava te māfuta fakatahi o nā tino kua talitonu ki a Iehu, ma fakaaogā fakatahi a lātou meatōtino.

Gāluega 21:28

Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

Gāluega 28:24

E i ei nā tino na talitonu ki ana kupu, kae ko iētahi e hēki talitonu.

Gāluega 4:23

Na tatala fakahaoloto loa lava ia Petelu ma Ioane, oi na olo ai loa ki te lātou vāega ma taku ki ei te mea na lea ake ai nā ohitāulaga hili ma nā toeaina.

2 Kolinito 8:5

Kua lahi atu lele tēnei i lo te mea nae fakamoemoe ki mātou ki ei. Na muamua oi ofo atu o lātou tagata ki te Aliki; ma ofo mai ai ki a te ki mātou, e vē lava ko te finagalo o te Atua.