Gāluega 17:3 - Tokelauan New Testament

³ ke fai ma fakamāoniga ko te Mehia e tatau ke maua i nā puapuagā, ma toe tū mai i te oti. Kua lea vē atu ia Paulo, “Ko te Iehu tēnei e kō folafola atua, ko te Mehia ia.”

Gāluega 17:3 ပူးပေါင်းရင်းမြစ်များ

Luka 24:32

Oi lea atu ai tētahi tino ki tētahi, “E hēki mu nei la o tā loto i te taimi nae faitala mai ai ia ki a te ki tāua i luga o te auala, ma te fakamatala maiga o nā Tuhituhiga Paia?”

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Ioane 20:9

Ko hēki mālamalama lelei ki lāua i te tuhituhiga paia na lea mai e tatau ia ke toe tū mai i te oti.)

Gāluega 1:4

Ka ko i ei ia ma ki lātou, na fai e ia te fakatonuga tēnei ki ei, “Ko koutou e hē olo kehe ma Ieluhalema, kae fakatali ki te meaalofa na lea atu ai au, te meaalofa na folafola e toku Tamana.

Gāluega 18:28

Auā nae fīnau mālohi ma nā tino Iutaia i mua o tagata, ma na fakailoa ai e ia te hehē o ki lātou. Na fakamāonia e ia ki a te ki lātou e ala i nā Tuhituhiga Paia, ko Iehu ko te Mehia.

Gāluega 18:5

I te taunuku ifoga o Hila ma Timoteo mai Maketonia, oi tuku ai loa e Paulo nā gāluega a ia nae fai kae kua fakaaogā tona taimi kātoa ke folafola ai te fekau ma fakamanino lelei ki tagata Iutaia, ko Iehu ko te Mehia.

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Gāluega 9:22

Kae kua ātili ai te mālohi o te faiga o te tālakiga a Haulo, ma ko te mautū o nā fakamāoniga a ia ko Iehu ko te Mehia, kua hē mau tali ai ki ei nā tino Iutaia nae nonofo i Tamaheko.

Kalatia 3:1

Kai koutou iēnā i Kalatia te vālelea! Ko koutou nei na fakalauatau e he tino? Ko tēnā na fakakikila outou mata ki te fakamatalaga manino e uiga ki te mate o Iehu Keliho i luga o te hātaulo?