Gāluega 17:2 - Tokelauan New Testament

² Na fano ia Paulo ki te hūnako, e vē lava ko tana māhani. I kinā, e tolu ia Hāpati nae talatalanoa ai ma tagata ma na hiki mai e ia ni kupu mai nā Tuhituhiga Paia,

Gāluega 17:2 ပူးပေါင်းရင်းမြစ်များ

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Luka 4:16

Oi fano ai ia Iehu ki Nahaleta, te nuku na ola ake ai. Kua pa ki te Hāpati, oi fano ai ki te hūnako, e vē ko tana māhani. Na tū ki luga ke ia faitaua nā Tuhituhiga Paia,

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.

Gāluega 13:14

Na fakaauau pea te lātou malaga mai Pelekē ma taunuku ki Anitioka i Pihitia; ma kua pa ki te Hāpati oi olo ai ki te hūnako ma nonofo ki lalo.

Gāluega 13:5

Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 17:10

Na pa loa lava ki te pō, oi uga ai ia Paulo ma Hila e nā uho Kelihiano ke olo ki Peloia. Kua taunuku atu ki lāua ki kinā, oi olo ai ki te hūnako o tagata Iutaia.

Gāluega 17:17

Ko te mea ia nae talatalanoa ai ma nā tino Iutaia i te hūnako fakatahi ma nā tino nukukehe nae tāpuaki ki te Atua. Na talatalanoa foki ma nā tino i te māketi vēnā ma ki lātou na kui atu i kinā.

Gāluega 18:4

Nae fai ana talatalanoaga i te hūnako i nā Hāpati takitahi uma, i ana taumafaiga ke talitonu nā tino Iutaia ma nā tino Eleni ki nā mea e akoako ake ai ki lātou e ia.

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Gāluega 24:25

Ka koi tautala ia Paulo e uiga ki te āmiotonu, te loto pūlea, ma te aho e fakamahino ai e te Atua ia tagata uma, ka ko Felika kua mataku ma lea vēia, “Fano loa nei oi kua toe fekau atu ai koe e au kāfai e maua hoku avanoa.”

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 8:35

Oi kāmata ai kua tautala ia Filipo; mai te vāega tēnei o te tuhituhiga paia, na fakamatala e ia ki te eunuka te Tala Lelei e uiga ki a Iehu.

Gāluega 9:20

Ma i loto o nā hūnako, na folafola atu e ia ki tagata, ko Iehu ko te Ataliki o te Atua.

1 Kolinito 15:3

Na kō tuku atua ki a te koutou te mea na kō maua, ko te mea ia e pito hili te tāua; ko Keliho na oti mo a tātou agahala, e vē oi tūhia i nā Tuhituhiga Paia;