Gāluega 17:12 - Tokelauan New Testament

¹² E tokalahi nā tino na talitonu; ma e tokalahi nā fafine Eleni mai nā kāiga tūtūlelei ma tokalahi nā taulelea Eleni na talitonu foki.

Gāluega 17:12 ပူးပေါင်းရင်းမြစ်များ

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 2:47

ma viviki ake ki te Atua ma na talia fiafia ki lātou e tagata uma. Ma ko aho uma lava e fakaopoopo e te Aliki ki te lātou vāega nā tino kua fakaolagia.

1 Kolinito 1:26

Ko te mea ia oku uho, māfaufau pe nae ni tino vēhea koutou i te taimi na kalaga atu ai te Atua ki a te koutou. I te kikila fakatetagata, e hē tokalahi koutou nae popoto, e hē tokalahi nae i ni tūlaga maualuluga, ma nae hē tokalahi na tupuga mai i ni kāiga aliki.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Iakopo 1:10

ma ko nā tino Kelihiano maukoloa, e tatau ke fiafia kāfai ki lātou e fakamātitiva e te Atua. Auā ko nā tino maukoloa ka mou kehe atu e vē ko tiale o lākau o te vao.

Iakopo 1:21

Ko te mea ia e tatau ai ke tīaki e koutou nā āmio mātagā ma nā uiga kino uma, kae talia ma te loto maulalo te kupu kua uma te ia totōagia i outou loto ke maua ai e koutou te fakaolataga.