Gāluega 16:1 - Tokelauan New Testament

¹ Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

Gāluega 16:1 ပူးပေါင်းရင်းမြစ်များ

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 14:21

Na tālaki e Paulo ma Panapa te Tala Lelei i Tepene, ma e tokalahi nā tino na maua ke fai ma hoko o Iehu. Oi toe foki ai ki Luotala, ma Ikononu, ma ki Anitioka i Pihitia.

Gāluega 14:6

I te iloaga e nā apohitolo te mea tēnei, oi hōhola ai ki nā kakai ko Luotala ma Tepene i Lukaonia, ma iētahi koga e pili ki ei.

Gāluega 17:14

Oi na uga ai loa e te kau Kelihiano ia Paulo ma ni iētahi taulelea ke olo ki he koga tū matāfaga; kae kua nonofo ia Hila ma Timoteo i Peloia.

Gāluega 18:5

I te taunuku ifoga o Hila ma Timoteo mai Maketonia, oi tuku ai loa e Paulo nā gāluega a ia nae fai kae kua fakaaogā tona taimi kātoa ke folafola ai te fekau ma fakamanino lelei ki tagata Iutaia, ko Iehu ko te Mehia.

Gāluega 19:22

Oi na uga ai e Paulo ia Timoteo ma Elahito, ni tino e toka lua o nā tino nae fehoahoani ki a te ia, ke olo ki Maketonia, kae kua toe nofo ia mo ni aho i te itūmālō o Ahia.

Loma 16:21

E momoli atu ia alofaaga o Timoteo, toku hoa e gālulue fakatahi ki māua, mo koutou; e vēnā foki ia Loukio, Iahona, ma Huhipaito, oku uho a Iutaia.

1 Kolinito 16:10

Kāfai ia Timoteo e fanatu ki kinā, kikila lelei ifo ki ei ke nahe i ei he mea e fakapopolegia ai, auā ko he tino e galue mo te Aliki, e vē foki lava ko au.

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

1 Kolinito 7:14

Auā ko te tāne e hē he Kelihiano e talia i mua o te Atua kāfai e fakatahi ki lāua ma tana āvaga, ma ko te āvaga e hē he Kelihiano e talia i mua o te Atua kāfai e fakatahi ki lāua ma tana tāne Kelihiano. Kāfai e hē fai vēneia, ko te lā fānau ka vē ni fānau e a ni tino fakapaupau, kae e talia ki lātou i mua o te Atua.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

2 Kolinito 1:19

Auā ko Iehu Keliho, te Ataliki o te Atua, tē nae folafola atu ki a te koutou e ki mātou — e au vēnā ma Hila ma Timoteo, e hē ko he tino e “Io” ma “Hēai” i te taimi e fokotahi, kae e “Io” i taimi uma lava;

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Filipi 2:19

Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo ki a te koutou i he taimi pili mai, kae ke maua mai ai ni tala e uiga ki a te koutou, e fakamākeke ātili mai ki a te au.

Kolohe 1:1

Mai ia Paulo, he apohitolo e a Iehu Keliho e tuha ai ma te finagalo o te Atua, ma to mātou uho ki a Timoteo —

1 Tehalonia 1:1

Mai ia Paulo, Hila ma Timoteo — Ki nā tino o te Ekalehia i Tehalonika, iē kua kavea ma tagata o te Atua te Tamana, ma te Aliki ko Iehu Keliho: Ke ia te koutou te alofa tūnoa ma te fīlēmū.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,

1 Tehalonia 3:6

Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

2 Tehalonia 1:1

Mai ia Paulo, Hila, ma Timoteo — Ki nā tino o te Ekalehia i Tehalonika kua kavea ma tagata o te Atua to tātou Tamana, ma te Aliki ko Iehu Keliho:

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:2

Ki a Timoteo, toku ataliki pele: Ke ia te koe te alofa tūnoa, te agalelei, ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:5

E manatua e au te moni o tō fakatuatua, te itūkāigā fakatuatua nae ia Loihe te mātua o tō mātua, ma Eunike tō mātua. E mautinoa e au koi tūmau lava koe i te tūlaga tēnā.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.

Filemoni 1:1

Mai ia Paulo, tē kua kavea ma pagotā ona ko Keliho Iehu, ma to tātou uho ko Timoteo — Ki a Filemoni, te uō ma te hoa i luga o te gāluega,

Epelu 13:23

Ko au e fofou ke iloa e koutou ko te koutou uho ko Timoteo, kua tatala ki tua mai te falepuipui. Kāfai e vave mai, ka oatu fakatahi ki māua ke kikila koutou.