Gāluega 15:9 - Tokelauan New Testament

⁹ E hēki fakakehekehea e ia ki tātou ma ki lātou; na fakamāgalo e ia a lātou agahala ona kua talitonu.

Gāluega 15:9 ပူးပေါင်းရင်းမြစ်များ

Gāluega 10:15

Kua toe lea vē ifo te leo, “Ho he mea kua fakailoa mai e te Atua e mamā, e hē tatau ke lea koe e hē mamā.”

Gāluega 10:28

Oi lea vē atu ai ki a te ki lātou, “E iloa lelei lava e koutou e hē fakatagagia he tino Iutaia e tana tāpuakiga, ke āhiāhi pe fai mea fakatahi ma he tino nukukehe. Kae kua fakahino mai e te Atua e hē tatau au ke lea, e i ei he tino e hē mamā pe kino.

Gāluega 10:34

Ma na kāmata ai oi tautala vēnei atu ia Petelu: “Kua mautinoa e au i te taimi nei ko te Atua e hē fakapito ki he tino.

Gāluega 11:12

Ma na lea mai te Agaga Paia ki a te au ko au nahe fakalotolotolua kae olo loa ma nā taulelea. Na olo fakatahi ki mātou ki Kaihaleia ma ni tino kua talitonu e toka ono mai Iopa, ma na olo uma foki ki mātou ki te fale o Konelio.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

Loma 3:22

E fakalelei e te Atua te va o tagata ma ia e ala i te fakatuatua ki a Iehu Keliho. Ko te mea tēnei e fai e te Atua ki nā tino uma e talitonu ki a Keliho, auā ko tagata uma lele e tutuha.

Loma 3:9

E i ei nei la he mea e hili atu ai ki mātou tagata Iutaia i lo nā tino nukukehe? E hēai lele. Kua uma te fakailoa atu e au, e tutuha lava nā tino Iutaia ma nā tino nukukehe; ei lalo uma lava o te pule a te agahala.

Loma 9:24

Auā ko ki tātou ko nā tino ia kua kalaga mai ki ei te Atua, e hē ko nā tino Iutaia oioti, kae vēnā foki ia tagata nukukehe

1 Kolinito 1:2

Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

1 Kolinito 7:18

Kāfai na kalagagia koe e te Atua ka kua uma ai te pelitome o koe, ia koe nahe taumafai ke kave kehe nā māila o te pelitome; kāfai na kalagagia koe e te Atua ka ko hēki pelitome ai koe, nahe taumafai ke pelitome koe.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.