Gāluega 13:5 - Tokelauan New Testament

⁵ Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

Gāluega 13:5 ပူးပေါင်းရင်းမြစ်များ

Mataio 20:26

Kae ko koutou e hē vēnā; ko ai lava o koutou e fia kavea ma pule, e tatau te tino tēnā ke fai ma kaukauna ki iētahi o koutou;

Gāluega 12:12

Kua ia hāfia te tūlaga kua pa ia ki ei, oi fano ai ki te fale o Malia, te mātua o Ioane Maleko. E tokalahi nā tino nae maopoopo i kinā ma nae fai talohaga.

Gāluega 12:25

Kua uma te fakatino e Panapa ma Haulo te mea na ala ai o na olo ki Ieluhalema, oi toe olo kehe ai ma kave e ki lāua ia Ioane Maleko.

Gāluega 13:14

Na fakaauau pea te lātou malaga mai Pelekē ma taunuku ki Anitioka i Pihitia; ma kua pa ki te Hāpati oi olo ai ki te hūnako ma nonofo ki lalo.

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 15:37

Na fofou ia Panapa ke kave ia Ioane Maleko i te lā kau,

Gāluega 17:17

Ko te mea ia nae talatalanoa ai ma nā tino Iutaia i te hūnako fakatahi ma nā tino nukukehe nae tāpuaki ki te Atua. Na talatalanoa foki ma nā tino i te māketi vēnā ma ki lātou na kui atu i kinā.

Gāluega 18:4

Nae fai ana talatalanoaga i te hūnako i nā Hāpati takitahi uma, i ana taumafaiga ke talitonu nā tino Iutaia ma nā tino Eleni ki nā mea e akoako ake ai ki lātou e ia.

Gāluega 19:22

Oi na uga ai e Paulo ia Timoteo ma Elahito, ni tino e toka lua o nā tino nae fehoahoani ki a te ia, ke olo ki Maketonia, kae kua toe nofo ia mo ni aho i te itūmālō o Ahia.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Gāluega 9:20

Ma i loto o nā hūnako, na folafola atu e ia ki tagata, ko Iehu ko te Ataliki o te Atua.

Kolohe 4:10

E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

2 Timoteo 4:11

Nā ko Luka te i kinei ki māua. Hau ma kaumai ia Maleko, auā e mafai ke fehoahoani mai ki a te au i te gāluega.