Gāluega 13:41 - Tokelauan New Testament

⁴¹ ‘Kikila, koutou iēnā e fakatauemu ki taku kupu! Koutou ke ofo ma feoti! Auā ko te mea e kō faia i te aho nei, ko he mea ka hē talitonu lele koutou ki ei, e tuha lava pe fakamālamalama atu e he tino ki a te koutou!’ ”

Gāluega 13:41 ပူးပေါင်းရင်းမြစ်များ

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

Luka 23:35

Ko nā tino kua tutū lava i kinā oi mātamata, kae fai kupu fakatauemu na takitaki o Iutaia ki a Iehu, kua lea vē ki ei, “Na fakaola e ia iētahi tino, tuku vē la ke ia fakaola ia ia lava, pe kāfai ko ia ko te Mehia kua filifilia e te Atua!”

Gāluega 13:47

Auā ko tēnei te fakatonuga a te Aliki kua tuku mai ki a te ki māua, ‘Kua kō faia koe ma mōlī ki tagata nukukehe, kae ke kave ai e koe te fakaolataga ki te gataga o te lalolagi.’ ”

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Gāluega 3:23

Ho he tino e hē fakalogo ki te mea e lea atu ai te pelofeta tēnā, ka fakateka kehegia ia mai tagata o te Atua, ma fakaumatia.’

Gāluega 6:14

Na ki mātou lagona e lea ko te Iehu tēnei mai Nahaleta, ka talepe e ia ki lalo te Mālumalu, ma tahui na tu māhani uma na tuku mai ki a te ki tātou e Mohe!”

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

1 Petelu 4:17

Auā kua pa mai te taimi ka kāmata ai te fakamahinoga, ma ko nā tino moni o te Atua ko ki lātou iēnā te ka muamua oi fakamahino. Kāfai e kāmata ia te ki tātou, he ā nei te ikuga o nā tino e hē talitonu ki te Tala Lelei mai te Atua?