Gāluega 13:2 - Tokelauan New Testament

² Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 13:2 ပူးပေါင်းရင်းမြစ်များ

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 9:38

Tatalo la ki te Aliki e āna te helehelega, ke uga atu ni tino faigāluega ke ki lātou fakaputu maia te helehelega.”

Luka 10:1

Kua uma atu te mea tēnei, oi filifili ai e te Aliki iētahi tino e toka fituhefulu lua, oi uga ai tau toka lua ke muamua atu ia te ia, ki nā kakai takitahi ma nā nofoaga kua tuku e kui atu ai ia.

Gāluega 10:19

Koi tau māfaufau lava ia Petelu pe ko he ā te uiga o te fakaaliga, kae vāgana mai ki ei te Agaga Paia, “Kikila, e toka tolu ia taulelea e ki lātou hakilia koe.

Gāluega 10:30

Kua tali atu ia Konelio, “E tuha kua tolu ia aho kua teka, i te taimi foki lava tēnei ka koi tatalo au i toku fale i te tolu i te afiafi. Kae nā lava e teki ko he taulealea e kofu pupula kua tū mai i oku mua

Gāluega 13:3

Kua fakalāina ia tagata o te Ekalehia ma fai talohaga ma fakaeke atu o lātou lima ki luga o te toka lua tēnei, oi uga ai ke olo.

Gāluega 13:4

I te ugaga o Panapa ma Haulo e te Agaga Paia, oi olo ai ki Heleukeia, ma malaga ai i he vaka mai kinā ki te motu e igoa ko Kupulona.

Gāluega 14:26

ma mai kinā, na folau atu ai ki Anitioka, te nofoaga na tuku atu ai ki lāua ki te kikilaga ma te alofa tūnoa o te Atua, mo te gāluega tēia kua uma te fakatino e ki lāua.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Gāluega 6:4

Kae ke tukutahi lava o mātou taimi ki te tatalo ma te tālakiga o te kupu a te Atua.”

Gāluega 8:29

Kua vāgana atu te Agaga Paia ki a Filipo, “Fano ke pili koe ki te tāvale holofanua.”

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

1 Kolinito 12:11

Kae ko te Agaga lava e fokotahi te ia faia nā mea uma iēnei; i tana lava filifiliga, e ia fōki ai nā meaalofa kehekehe ki tagata tau tokatahi.

1 Kolinito 7:5

Nahe tetekea e tētahi tētahi, vaganā ai e mālilie muamua koulua ke fai vēnā mo he vāitaimi, kae ke mafai ai ke fakafano houlua taimi i te tatalo; oi kua toe kāmata ai nā hokotaga fakaulugālī. I te auala tēnei, ka hē mafai ai koutou ke fakaohoohogia e Hātani ona kua hē ia te koutou te loto onohai.

2 Kolinito 11:27

Ko au nae galue ma te fītā; e lahi nā pō nae hē maua haku moe; nae fia kaia ma fia inua; e lahi nā taimi nae hē maua ai haku mea ke kai, he mea ke fakamalu ki ei, pe ni kofu ke fakamāfanafana ai.

2 Kolinito 6:5

Ko ki mātou e kini, e falepuipui ma ogohia i te nunu fetunaki mai o tagata; e gālulue fītatā ma tau hē maua he moe, ma fia kakaia.

Kalatia 1:15

Kae i te alofa tūnoa o te Atua na ia filifilia ai au ka ko hēki fānau mai au, ma kalagagia ke kaukauna atu ki a te ia. Ma i te tonuga i te ia ke

Efeho 3:7

Ko au na kavea ma kaukauna a te tala lelei e ala i te alofa tūnoa, te meaalofa fōaki fua a te Atua, na ia fakagaluegia i loto ia te au e ala i tona mana.

Kolohe 4:17

Ma lea ki a Alihipo, “Ke mautinoa e uma te gāluega na tuku atu ki a te koe ke tautua ai ki te gāluega a te Aliki.”

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

2 Timoteo 1:11

Kua tōfia au e te Atua ke tālaki te Tala Lelei ma ke kavea ma apohitolo vēnā foki ma faiakoga,

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

2 Timoteo 4:11

Nā ko Luka te i kinei ki māua. Hau ma kaumai ia Maleko, auā e mafai ke fehoahoani mai ki a te au i te gāluega.

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Epelu 5:4

E hēai he tino e ia filifilia mo ia lava te tofi Ulu Ohitāulaga. E fātoā kavea lava he tino ma Ulu Ohitāulaga pe kāfai kua kalagagia ia e te Atua — e vē ko Alona.