Gāluega 13:16 - Tokelauan New Testament

¹⁶ Na tū atu loa ia Paulo, kua fakatū atu tona lima ki te fakapotopotoga ma kāmata loa oi tautala: “Koutou oku tagata Ihalaelu ma tagata nukukehe uma i kinei e tāpuaki ki te Atua: fakalogo mai!

Gāluega 13:16 ပူးပေါင်းရင်းမြစ်များ

Mataio 11:15

Kāfai e i ei ni outou taliga, fakalogo mai la!

Luka 1:22

Kae i te hauga o Hakalia ki fafo, kua hē ia mafaia oi tautala atu ki a te ki lātou, oi na ki lātou iloa ai e i ei he fakaaliga na ia kiteagia i loto o te potu. Kua tautalalima lava ki nā tino, ona kua hē ia mafaia oi tautala.

Luka 1:50

ma e fakaalia tona alofa fakahao ki a te ki lātou e mātataku ia te ia mai tēia tupulaga ki tēia tupulaga.

Luka 23:40

Ka ko tētahi pagotā, kua muna vē atu ki tona hoa, “Ko koe e hē mataku i te Atua? Kua tutuha lava te fakahalaga o koe ma ia.

Gāluega 10:2

He tino e mataku i te Atua; ko ia ma tona kāiga kātoa e tāpuaki ki te Atua. E lahi foki ana mea nae fai ke fehoahoani ai ki nā tino Iutaia mātitiva, ma nae tatalo pea lava ki te Atua.

Gāluega 10:35

Ko nā tino e tāpuaki ki te Atua ma ki lātou faia te mea tonu, e talia ki lātou e ia, e tuha lava pe ko fea te mālō e ōmamai ai.

Gāluega 12:17

Kua tautala lima atu ia Petelu ki a te ki lātou ke nahe piha, ma na fakamatala e ia ki a te ki lātou te tatalaga o ia e te Atua mai te falepuipui. Oi lea vē atu ai, “Taku ko la te mea tēnei ki a Iakopo ma iētahi uho Kelihiano,” ma na tukua ai loa e ia ia kinā kae fano ki hētahi koga.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Gāluega 19:33

Ko iētahi tino na i ei to lātou tāofi, ko Alehana te na māfua ai te mea tēnei ona na uga e nā tino Iutaia ke fano ki mua. Oi fakatū atu ai te lima o Alehana ki tagata ke nahe piha, ma na taumafai ai ke fakamālamalama ki ei, ko te vevehitū e hēki māfua ia te ia ma ona hoa.

Gāluega 2:14

Oi tū ai ki luga ia Petelu fakatahi ma iētahi apohitolo e toka hefulutahi, ma kāmata oi tautala leo lahi vēnei atu ki te kaifenua, “Oku uho Iutaia ma koutou uma iēnā e nonofo i Ieluhalema, fakalogo mai ke lea atu au i te mea tēnei.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Gāluega 21:40

Na fakataga e te takitakikau ia Paulo, oi tū atu ai i luga o nā fakahitepu ma fakatū tona lima ki nā tino ke nahe piha. Ina kua hēai he tino o ki lātou e vaivaia, oi tautala ai ki ei ia Paulo i te gagana Epelu.

Gāluega 22:22

Ko nā tino nae fakalogologo ki a Paulo ke pa lava ki te taimi na fai ai tana fakakupuga tēnei; kae meake kua kāmata oi taukalalaga leo lahi vē, “Kave kehe te tagata tēnā ma tāmate! E hē tatau ke toe ola!”

Gāluega 3:12

Kua kitea atu e Petelu nā tino, oi lea vē atu ai ki ei, “Oku uho Ihalaelu, he ā te tēteki ai koutou i te mea tēnei, ma he ā foki te kikila vēnā mai ai outou mata ki a te ki māua? E vēake koutou ko he mana e o ki māua lava, pe ko ki māua e lelei i te kikila a te Atua, te na mafai ai e ki māua oi fakahavali te tino tēnei?

Fakaaliga 2:11

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ko nā tino e ki lātou mauagia te manumālō, ka hē āfāina ki lātou i te oti tona lua.

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.

Fakaaliga 2:29

“Kāfai e i ei ni outou taliga, fakalogo la ki te mea kua lea ai te Agaga ki nā Ekalehia!

Fakaaliga 2:7

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō tukua ki ei te avanoa ke kakai ai ki nā fua o te lākau o te ola, e ola i te Fatoaga o te Atua.