Gāluega 13:10 - Tokelauan New Testament

¹⁰ ma lea vē atu ki ei, “Ko koe ko te ataliki o te Tiāpolo! Ko koe ko te fili o nā mea uma e lelei. Ko koe kua tumu i nā itūkāigā togafiti kino uma, ma e taumafai pea lava koe ke fakaliliu te kupu moni a te Aliki ke fai ma kupu pepelo!

Gāluega 13:10 ပူးပေါင်းရင်းမြစ်များ

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Kalatia 1:7

Ko te mea moni, e hēai hētahi Tala Lelei! Kae ko au kua lea vēnei atu ona e i ei nā tino e fakalavelave atu ki a te koutou ma taumafai ke liliu kehe koutou mai te Tala Lelei a Keliho.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

Mataio 13:38

ko te fatoaga ko te lalolagi; ko nā fatu haito lelei ko nā tino iēnā e o te Atua; ko nā vao kino ko nā tino iēnā e o Hātani;

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Luka 11:52

“Kae hāloa la koutou nā faiakoga o te Tūlāfono! Kua tāofi e koutou te kī e tatala ai te faitotoka ki te fale e maua ai te poto; ko koutou ka hē mafai ke ulu ki loto, ma e tāofi e koutou nā tino e taumafai ke olo ki loto!”

2 Petelu 2:15

Kua olo kehe ki lātou mai te auala hako ma kua hē ki lātou iloa to lātou auala; kua mulimuli ki lātou i te auala na kui ai ia Palaama te ataliki o Poholo, tē nae fiafia ki nā tupe nae totogi ai ia e ni tino mo ana mea pikopiko nae fai,

Gāluega 20:30

E hau te taimi e fai ai e ni tino o koutou ni fakamatalaga pepelo ke takitaki kehe ai nā tino Kelihiano ma mulimuli ake ai ki a te ki lātou.

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Mataio 15:19

Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Ioane 1:23

Ka kua tali atu ia Ioane i nā kupu a te pelofeta ko Ihaia: “Ko au ‘ko te leo e taukalaga i te vao: Fakahakohako he auala mo te Aliki ke kui ai!’ ”

Luka 11:39

Oi vāgana atu ai te Aliki ki ei, “Ko koutou te kau Falehaio, e fufulu e koutou ia fafo o autou iputi ma autou ipukai, kae ko loto e tumu i nā uiga fakahāuā ma te āmio kino.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.