Gāluega 12:9 - Tokelauan New Testament

⁹ Kua mulimuli ki ei ia Petelu ki fafo o te falepuipui, kae hē ia hāfia pe ko te mea a te agelu e fai e moni; na vēake lava ko he fakaaliga te na ia kitea.

Gāluega 12:9 ပူးပေါင်းရင်းမြစ်များ

Ioane 2:5

Oi lea ai te mātua o Iehu ki nā kaukauna nae ki lātou fakahoahoa te uaina, kua vē atu, “Ho he mea lava e lea atu ia Iehu ke fai, oi fai.”

Gāluega 10:17

Ka koi māfaufau ia Petelu pe ko he ā te uiga o te fakaaliga tēnei, ko nā taulelea na uga e Konelio ma nae ki lātou hakilia te fale o Himona, kua tutū i mua o te faitotoka o te fale i te taimi lava tēnā.

Gāluega 10:3

E tuha ko te tolu i te afiafi kae ia kitea manino i he fakaaliga, he agelu a te Atua kua ulu mai ki te fale oi lea vē ake ki a te ia, “Konelio!”

Gāluega 11:5

“Ko au nae tatalo i te kakai ko Iopa, oi kō kitea ai he fakaaliga. He mea e fanaifo mai te lagi e vē he mātuā kiekafu, e tukutuku ifo i ona pito e fa, ma fanaifo ki oku tafa.

Gāluega 12:8

Oi lea atu ai te agelu ki ei, “Fai tō fuhipaku, ma nonoa ō taka.” Na vēnā lava oi fai e Petelu, oi lea vē atu ai te agelu ki ei, “Fai tō kofu loloa, oi hau ai ta olo.”

Gāluega 26:19

“Ko te mea la ia te Tupu ko Akalipa, ko au na uhitaki ki te fakaaliga na kō maua mai te lagi.

Gāluega 9:10

Nae i Tamaheko he tino kua talitonu ki te Aliki e igoa ki a Anania. Na ia kitea he fakaaliga na vāgana vē ake ai te Aliki ki a te ia, “Anania!” Kua tali atu ia, “Te Aliki, ko au tēnei.”

Epelu 11:8

Ko te fakatuatua o Apelaamo te na mafai ai ke uhitaki ki te Atua i te kalagaga ki ei o te Atua ke fano ki te fenua kua uma te ia folafolagia mo ia. Na tukua e ia tona lava fenua kae fano ki he mea e hē ia iloa pe ko fea.