Gāluega 12:1 - Tokelauan New Testament

¹ E tuha ko te vāitaimi tēnā na kāmata ai nā fakahāuāga a te tupu ko Helota, ki ni tino o te Ekalehia.

Gāluega 12:1 ပူးပေါင်းရင်းမြစ်များ

Mataio 14:1

Ko te taimi tēnā, na logotala ai ia Helota te tupu o Kalilaia ki nā mea ofoofogia a Iehu nae fai.

Mataio 14:3

Auā na fakatonu e Helota ke puke fakapagotā ia Ioane ma noanoa, oi togi ai ki loto o te falepuipui. Na fai e ia te mea tēnei mo Helotia te āvaga a tona uho ko Filipo,

Mataio 14:6

I te fakamanatuga o te aho fānau o Helota, na hiva ai te tamateine a Helotia i mua o te tupu ma te kau valakaulia uma. Na fiafia lahi lele ai ia Helota,

Mataio 24:9

“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Gāluega 11:30

Na vēnā lava ona fai e ki lātou, ma na momoli ai te tupe e Panapa ma Haulo, ki nā toeaina o te Ekalehia.

Gāluega 12:2

Na ia fakatonua ke tāmate ia Iakopo te uho o Ioane, i te pelu.

Gāluega 4:30

Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”

Gāluega 9:31

Ma ko te mea ia na hēki toe maua ai te Ekalehia i Iutea, Kalilaia ma Hāmālia kātoa i ni fakahāuāga. Na tuputupu pea te tokalahi o tagata o te Ekalehia ma ola mātataku i te Aliki, e ala i te fehoahoani o te Agaga Paia.