Gāluega 11:3 - Tokelauan New Testament

³ “Ko koe nae nofo i te kāiga o ni tino nukukehe ko hēki pelitomeagia, ma kakai fakatahi ma ki lātou!”

Gāluega 11:3 ပူးပေါင်းရင်းမြစ်များ

Mataio 9:11

Kua kitea e iētahi Falehaio te mea tēnei, oi fehili vē atu ai ki nā hoko o Iehu, “He ā te kakai fakatahi ai te koutou faiakoga ma nā tino vēnā?”

Luka 15:2

ma kua kāmata oi mūimui te kau Falehaio ma nā faiakoga o te Tūlāfono, “Ko te tagata nei e talia e ia nā tino inohia, ma kakai fakatahi ma ki lātou!”

Ioane 18:28

I te taeaopō, oi kave ai ia Iehu mai te fale o Kaiafa ki te fale o te kōvana. Ko nā takitaki o Iutaia e hēki olo ki loto o te fale o te kōvana; nae mumuhu nā ki lātou e hē mamā i nā mea tau tāpuakiga, ona kua nonofo fakatahi ma nā tino nukukehe, ma hē mafai ai ki lātou ke kakai i te Kaiga Fakamanatuga o te Pāheka.

Gāluega 10:23

Oi lea ai ia Petelu ki nā taulelea ke mapu ake ki loto o te fale ke mālōlō ai mo te pō tēnā. I te aho alafaki na hāuni ai ia Petelu ma olo ma nā taulelea; na olo fakatahi ai foki ma iētahi tino kua talitonu ki te Aliki, i Iopa.

Gāluega 10:28

Oi lea vē atu ai ki a te ki lātou, “E iloa lelei lava e koutou e hē fakatagagia he tino Iutaia e tana tāpuakiga, ke āhiāhi pe fai mea fakatahi ma he tino nukukehe. Kae kua fakahino mai e te Atua e hē tatau au ke lea, e i ei he tino e hē mamā pe kino.

Gāluega 10:32

Uga he tino ki Iopa ki he tino e igoa ki a Himona Petelu. E i te fale o Himona, he tino gaohi mea mai nā pakumanu, ma e pili tona fale ki te tai.’

Gāluega 10:48

Oi na fakatonu loa e ia ke papatiho ia Konelio, tona kāiga ma ana uō, i te igoa o Iehu Keliho. Oi lea ai ki lātou ki a Petelu ke toe nofo mo ni nai aho.

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

Kalatia 2:12

Ka ko hēki taunuku mai ki kinei nā tamāloa na uga mai e Iakopo, ko Petelu nae kakai fakatahi lava ma nā tino nukukehe. Kae talu lava te taunuku mai o nā tamāloa, e hēki toe kakai fakatahi ia Petelu ma nā tino nukukehe, auā nae mataku i nā tino nae fofou ke pelitome nā tino nukukehe kua talitonu.

2 Ioane 1:10

Ko te mea ia, kāfai ni tino e oatu ki a te koutou kae hē ia te ki lātou te akoakoga tēnei, nahe koutou taliagia ki loto o outou fale; nahe koutou lea foki vē, “Ke ia te koutou te fīlēmū.”