Gāluega 11:2 - Tokelauan New Testament

² I te fanoga la o Petelu ki Ieluhalema, na fakaheā ki ei nā tino nae manatu ko tagata nukukehe e tatau ke pelitome. Kua lea vē ki lātou,

Gāluega 11:2 ပူးပေါင်းရင်းမြစ်များ

Gāluega 10:45

Na ofo lele nā tino Iutaia kua talitonu ki te Aliki na ōifo ma Petelu mai Iopa, ona e pa foki lava ki nā tagata nukukehe, kua liligi ifo e te Atua tana meaalofa ko te Agaga Paia ki o lātou luga.

Gāluega 10:9

I te aho alafaki, ka koi faimalaga ki lātou ma kua tafapili ki Iopa, na fano ai ia Petelu ki luga o te tuāfale i te fakaaoauli, ke tatalo ai.

Gāluega 15:1

E i ei ni taulelea na ōifo mai Iutea ki Anitioka ma kāmata akoako vē atu ki nā tino kua talitonu, “E hē mafai koutou ke fakaola e te Atua, heiloga ko koutou kua pelitome e vē oi lea mai te Tūlāfono a Mohe.”

Gāluega 15:5

Kae e i ei iētahi tino Kelihiano, ni tino o te kau Falehaio, kua tutū ki luga ma lea vē atu, “Ko nā tino nukukehe e tatau ke pelitome ma fakatonu ke uhitaki ki te Tūlāfono a Mohe.”

Kolohe 4:11

E alofa atu foki ia Iehu, ko tētahi ona igoa ko Iuhito. Ko ki lātou iēnei e toka tolu, ko nā tino Iutaia oioti lava ia e gālulue fakatahi ma au mo te Mālō o te Atua, ma e fehoahoani lahi lele mai ki a te au.

Tito 1:10

Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.