Gāluega 10:7 - Tokelauan New Testament

⁷ Oi fano kehe ai te agelu, ma na kalaga loa ia Konelio ki ni kaukauna fakamoemoegia e toka lua a ia ma he fitafita, he tino kua talitonu ki te Atua ma ko hētahi ia o nā tino e fehoahoani ake ki a te ia.

Gāluega 10:7 ပူးပေါင်းရင်းမြစ်များ

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Luka 3:14

E i ei foki nā fitafita na fehili vē atu ki ei, “Ka ko ki mātou, he ā te tatau ke ki mātou faia?” Oi tali atu ai ia ki a te ki lātou, “Nahe kave fakamālohia e koutou he tupe a he tino e ala i te fakamataku, pe ko te molimau pepelo, ma e tatau koutou ke mālilie kinā totogi o koutou e maua.”

Gāluega 10:6

E i te fale o Himona, he tino gaohi mea mai nā pakumanu, ma e pili tona fale ki te tai.”

Gāluega 10:8

Kua taku e ia ki a te ki lātou te mea na tupu, oi uga ai ke olo ki Iopa.

1 Timoteo 6:2

Ko nā pologa ni Kelihiano o lātou matai, e hē tatau ke feita ki o lātou matai ona ko ki lātou uma ni uho a Kelihiano. Kae e tatau ke hili atu ona lelei te lātou tautua, ona ko nā tino e manuia ia lātou gāluega, ko nā uho a Kelihiano foki lava e alolofa ki lātou ki ei. E tatau ke akoako ma fakamālohia e koe nā tiute iēnei.

Filemoni 1:16

I te taimi nei la, ko Onehimahi e hē nā ko he pologa, kae e hili atu lele ia i lo he pologa: ko ia ko he uho pele ia Keliho. Kai au te alofa ko ki ei! Kae e vēhea ake nei la te lahi lele atu o tō alofa ki ei, e hē gata ona ko he pologa kae i tētahi itū, ko he uho foki e ala i te Aliki!