Gāluega 10:4 - Tokelauan New Testament

⁴ Na pupula ki ei ona mata ona ko tona mataku, oi lea vē atu ai ki ei, “Te aliki, e i ei he mea e fofou koe ki ei?” Kua tali mai te agelu, “Kua lagona e te Atua au tatalo ma ia kitea au gāluega alofa ki tagata mātitiva, ma kua hāuni ke tali atu ki a te koe.

Gāluega 10:4 ပူးပေါင်းရင်းမြစ်များ

Mataio 26:13

E takutino atu e au ki a te koutou, ho he mea lava e tālaki ai te tala lelei tēnei i te lalolagi kātoa, ko te mea na fai e te fafine, ka fakailoa ki tagata ke manatua ai pea lava ia.”

Luka 1:29

Ka ko Malia kua popole lele tona loto, ma kua māfaufau mālie ifo ai, pe he ā te uiga o nā kupu iēnei a te agelu.

Luka 24:5

Na mātataku lele nā fafine ma pūnonou ifo o lātou ulu ki te kelekele. Kua lea atu ki ei nā tamāloa, “He ā te hakili ai e koutou nā tino ola, i te mea e i ei nā tino oti?

Gāluega 10:31

ma lea vē mai, ‘Konelio! Kua lagona e te Atua au tatalo, ma ia kitea au gāluega alofa ki tagata mātitiva.

Gāluega 14:9

Nae nofo i kinā ma fakalogologo ki nā kupu e tautala ai ia Paulo. Kua kitea atu e Paulo ko te tamāloa kua talitonu ma e mafai ke fakamālōlōgia, oi na kikila hako atu ai ki ei,

Gāluega 22:10

Oi fehili ai au, ‘Te Aliki, he ā ta aku e tatau ke fai?’ oi vāgana vē mai ai te Aliki ki a te au, ‘Tū la ki luga oi fano ki Tamaheko. I kinā ka taku atu ai ki a te koe nā mea uma kua fuafua e te Atua ke kē faia.’

Gāluega 3:4

Kua kikila hako atu ki ei te toka lua, oi lea atu ai ia Petelu ki ei, “Kikila mai ki a te ki māua!”

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

Epelu 13:16

Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

Fakaaliga 8:4

Oi fanake ai ki luga te ahu o nā meamanogi kua fakamū, fakatahi ma tatalo a tagata o te Atua mai nā lima o te agelu e tū i mua o te Atua.