Gāluega 10:11 - Tokelauan New Testament

¹¹ Kua kitea atu e ia te lagi kua māvā, ma he mea e vē he kiekafu lahi e fōliga e tukutuku ifo ki te lalolagi i ona pito e fa.

Gāluega 10:11 ပူးပေါင်းရင်းမြစ်များ

Mataio 8:11

E lea atu au ki a te koutou, e tokalahi ki lātou ka ōmamai mai hahae ma hihifo oi nonofo fakatahi ki lalo ma Apelaamo, Ihaako ma Iakopo i te kaiga lahi i te Mālō o te lagi.

Luka 3:21

Kua uma te papatiho o nā tino uma lele, oi papatiho ai foki ia Iehu. Ka koi tatalo ia Iehu, kae matala ifo te lagi,

Ioane 1:51

Oi toe lea atu ai ia Iehu, “E takutino atu e au ki a te koutou te meamoni; ka kitea e koutou te lagi e matala, ma nā agelu a te Atua e ōake ki luga ma ōifo ki lalo i luga o te Ataliki o te Tagata.”

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 12:32

Kāfai au e hiki ake ki luga mai te kelekele, ka kavea tēnā ma mea e ōmamai ai ia tagata uma ki a te au.”

Gāluega 10:12

I loto o te kiekafu, e i ei ai nā itūkāigā manuvaefa uma, nā manufetolofi, ma nā manulele.

Gāluega 11:5

“Ko au nae tatalo i te kakai ko Iopa, oi kō kitea ai he fakaaliga. He mea e fanaifo mai te lagi e vē he mātuā kiekafu, e tukutuku ifo i ona pito e fa, ma fanaifo ki oku tafa.

Gāluega 7:56

Kua lea vē atu ia Hetefano, “Kikila! E kitea atu e au te lagi kua māvā ma te Ataliki o te Tagata e tū i te itū taumatau o te Atua!”

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

Kalatia 2:15

Ko ki tātou na fānanau mai ni Iutaia, kae hē ni “tagata nukukehe agahala.”

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Efeho 1:10

Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Fakaaliga 11:19

Oi tatala ai te mālumalu o te Atua i te lagi, ma na kitea ai i kinā te Puha o te Feagaiga. Oi kānapanapa ai nā uila, gāpāpā nā tāgulu, ma lūlū he mafuie, ma to nā ua aiha mamafa.

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.

Fakaaliga 4:1

I te taimi tēnā, oi kikila atu ai au ma kō kitea atu he faitotoka e matala i te lagi. Ma te leo e vē ko te tagi a he pu na lagona foki e au muamua e tautala mai, e lea vē mai, “Hau ki luga i kinei, oi fakaali atu ai e au ki a te koe nā mea e tatau ke tutupu kāfai e uma te mea tēnei.”