Gāluega 10:1 - Tokelauan New Testament

¹ Nae i ei he taulelea i Kaihaleia e igoa ki a Konelio, he takitaki o he tokahelau fitafita i te vaegākau a Loma e takua ko te “Vaegākau mai Italia.”

Gāluega 10:1 ပူးပေါင်းရင်းမြစ်များ

Mataio 27:27

Oi kave ai ia Iehu e nā fitafita a te kōvana ki loto o te fale o te kōvana, ma kua fakapotopoto uma te vāega tēnā o nā fitafita fakatāmilo ia Iehu.

Mataio 27:54

I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”

Maleko 15:16

Kua kave ia Iehu e nā fitafita ki loto o te lōtoā o te fale o te kōvana, oi fakapotopoto mai ai e ki lātou iētahi fitafita uma o te lātou vāega.

Luka 7:2

Nae i kinā he takitakikau Loma, e i ei hana kaukauna fakamoemoegia lahi nae tauale ma kua tāli oti.

Ioane 18:12

Oi na puke ai ia Iehu e nā fitafita Loma ma to lātou takitaki fakatahi ma nā leoleo o te Mālumalu. Kua noanoa nā lima o ia

Ioane 18:3

Oi fano ai ia Iuta ki te fatoaga ma kave he vāega o ni fitafita Loma fakatahi ma ni leoleo o te Mālumalu, na uga e nā ohitāulaga hili ma te kau Falehaio. Na kave a lātou meatau ma a lātou mōlī matagi ma nā mōlī lama.

Gāluega 10:24

Ko te aho na hohoko ai na taunuku ai ia Petelu ki Kaihaleia ki te mea e fakatali mai ai ia Konelio ma ni tino o tona kāiga, vēnā ma ni uō mamae na ia valakaulia.

Gāluega 21:31

Ka koi taumafai ia tagata ke tāmate ia Paulo, kae pa atu te līpoti ki te takitakikau o nā fitafita Loma, ko Ieluhalema kātoa kua vevehitū.

Gāluega 21:8

I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

Gāluega 22:25

Kae i te noanoaga o Paulo e ki lātou ke kini, kae lea vē atu ia Paulo ki te ofiha nae tū i kinā, “E fakataga i te tūlāfono ke kini e koe he tagatānuku Loma ka ko hēki faia hona fakamahinoa ke iloa ai pe hala?”

Gāluega 23:23

Oi fekau ai e te takitakikau nā tino ofiha a ia ma lea vē ai ki ei, “Hāuni ni fitafita e toka lua helau ke olo ki Kaihaleia fakatahi ai ma ni fitafita tiketike holofanua e toka fitu hefulu, ma he luahelau fitafita e fakakaukupega i nā tao, ma hāuni ke teka kehe i te iva i te pō nei.

Gāluega 23:33

Na kave e ki lātou ia Paulo ki Kaihaleia, kua fōki te tuhi ki te kōvana ma tukulima atu ai ki ei ia Paulo.

Gāluega 25:1

Kua tolu ia aho talu te pa mai o Fehetone ki te itūmālō, oi fano ai mai Kaihaleia ki Ieluhalema.

Gāluega 25:13

Kua teka atu pe he lua vaiaho, kae ōifo te Tupu ko Akalipa ma Pelenike ki Kaihaleia oi āhiāhi ki a Fehetone.

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 27:31

Kae kua lea atu ia Paulo ki te takitaki o te vaegākau ma nā fitafita, “Kāfai te kauvaka e hē nonofo pea i luga o te vaka, ko koutou uma lele e feoti.”

Gāluega 27:43

Kae na fofou te takitaki o te vaegākau ke fakahao ia Paulo, oi na ia tāofia ai te lātou tonu na fai. Ka kua fakatonu e ia nā taulelea uma e iloa kakau ke tūtaoho muamua ki te tai oi kakau ki gāuta;

Gāluega 8:40

Kua hāfia e Filipo ko ia kua i Ahōto; oi fano ai kua kui loto atu i nā kakai uma ke pa ki Kaihaleia, ma folafola atu te Tala Lelei.