Gāluega 1:5 - Tokelauan New Testament

⁵ Na papatiho e Ioane ia tagata i te vai, kae i ni nai aho, ko koutou ka papatiho i te Agaga Paia.”

Gāluega 1:5 ပူးပေါင်းရင်းမြစ်များ

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Mataio 3:6

Kua tōlaulau atu a lātou agahala, oi papatiho ai ki lātou e ia, i loto o te vaitafe ko te Iolitana.

Maleko 1:8

Kua kō papatihoa koutou i te vai, kae ka ia papatihoa koutou i te Agaga Paia.”

Luka 3:16

Oi lea atu ai ia Ioane ki a te ki lātou uma, “E kō papatihoa koutou i te vai, kae e hau tē e hilihili lele atu tona mamalu i lo au, ma e hē aogā au ke kō tatala ona hēvae. Ka ia papatihoa koutou i te Agaga Paia ma te afi.

Ioane 1:26

Kua tali mai ia Ioane, “E kō papatihoa koutou i te vai, kae e i kinā ia te koutou he tino, e hē koutou iloa.

Ioane 1:31

Nae hē kō iloa pe he tino vēhea, kae ko au na hau ke papatiho i te vai, kae ke fakailoa atu ai ia, ki tagata o Ihalaelu.”

Ioane 1:33

Nae hē kō iloa pe he tino vēhea, kae ko te Atua, na ia uga maia au ke papatiho i te vai, na vāgana mai ki a te au, vē mai, ‘Ka kitea e koe te Agaga e fanaifo oi nofo i luga o he tino; ko ia tēnā te ia papatihoa i te Agaga Paia.’

Gāluega 10:45

Na ofo lele nā tino Iutaia kua talitonu ki te Aliki na ōifo ma Petelu mai Iopa, ona e pa foki lava ki nā tagata nukukehe, kua liligi ifo e te Atua tana meaalofa ko te Agaga Paia ki o lātou luga.

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.