Filipi 4:22 - Tokelauan New Testament

²² E fakafeiloaki atu foki nā tino uma o te Atua i kinei, kae maihe lava ki lātou e i te fale o Kaihala.

Filipi 4:22 ပူးပေါင်းရင်းမြစ်များ

Mataio 5:47

Ma kāfai koutou e fakataumuna oioti ki autou uō, kua koutou faia nei he mea e kehe mai nā mea e fai e iētahi tino? E pa foki lava ki tagata nukukehe e fai e ki lātou te mea tēnā!

Gāluega 20:38

Na fakaatili to lātou fakanoanoa, ona na lea ki ei ia Paulo, e hē toe kikila ki lātou ki a te ia. Oi olo fakatahi ai ki lātou ma Paulo ki te vaka.

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Loma 16:16

Ke fakafeiloaki e tētahi tētahi i te kihi o te fīlēmū. E fakafeiloaki atu foki ki a te koutou nā Ekalehia uma a Keliho.

2 Kolinito 13:13

Ke ia te koutou uma te agalelei o te Aliki ko Iehu Keliho, te alofa o te Atua, ma te māfutaga ma te Agaga Paia.

Filipi 1:13

Kua iloa e nā leoleo Loma uma ma nā tino uma lele i kinei, ko au e i te falepuipui ona ko au ko he kaukauna e a Keliho.

Epelu 13:24

Momoli atu o mātou alofaaga ki nā takitaki o koutou ma tagata uma o te Atua. E momoli atu foki nā alofaaga mo koutou mai nā tino kua talitonu ki te Atua i Italia.

1 Petelu 5:13

Ko te hoa Ekalehia o koutou i Papelona, na filifilia foki e te Atua, e fakafeiloaki atu ki a te koutou, e vēnā foki toku ataliki ko Maleko.

3 Ioane 1:14

E fakamoemoe au ka feiloaki ki tātou i he taimi lata mai, oi kua faitatala fakatahi ai ki tātou.