Filipi 3:20 - Tokelauan New Testament

²⁰ Kae ko ki tātou ni tagatānuku e o te lagi, e fakatalitali ma te amanaki ki to tātou Fakaola, te Aliki ko Iehu Keliho, ke haele ifo mai te lagi.

Filipi 3:20 ပူးပေါင်းရင်းမြစ်များ

Mataio 19:21

Oi vāgana atu ai ia Iehu ki ei, “Kāfai koe e fia lelei kātoatoa, fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 12:21

Oi toe lea atu ai ia Iehu, “E vēnā lava nā tino e ki lātou fakaputua nā koloa mo ki lātou lava, kae e hē maukoloa i te kikila a te Atua.”

Luka 14:14

oi fakamanuia ai koe, auā e hē ki lātou mafaia oi toe totogi atu koe. Ko koe ka totogi atu e te Atua i te aho e ia toe fakatutūa ai mai te oti, nā tino nae āmiotonu.”

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

1 Kolinito 1:7

ma e hēki i ei lele he meaalofa fakateagaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho.

1 Kolinito 15:48

Ko ki lātou e ō te kelekele e vē ko te tino na gaohia i te kelekele; ko ki lātou e ō te lagi e vē ko te tino na fanaifo mai te lagi.

2 Kolinito 4:18

Auā ko ki mātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.

2 Kolinito 5:8

Ko ki mātou e loto tetele, ma e hili atu to mātou naunau ke tukua o mātou tino fakatetagata, kae fakatahi ma te Aliki i tona fale.

Kalatia 4:26

Kae ko te Ieluhalema i te lagi, e haoloto, ma ko te tātou mātua ia.

Efeho 2:19

Ko te mea la ia, ko koutou tagata nukukehe kua hē toe ni tagata nukukehe pe ni tino kehe. Ko koutou kua fai ma tagatānuku fakatahi ma iētahi uma kua i loto o te kāiga o te Atua.

Efeho 2:6

I te māfutaga a ki tātou ma Keliho Iehu na toe fakatutū ai ki tātou e te Atua ki te ola fakatahi ma Keliho, ma ia fakanonofoa ki tātou i tafa o Keliho, i nā nofoaga i te lagi.

Filipi 1:10

kae ke mafai ai e koutou oi filifili te mea e hili ona lelei. Ma ka mafai ai koutou ke mamā ma hē taku kinoagia i te Aho o Keliho.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

1 Tehalonia 4:16

Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

Epelu 12:22

Kae ko koutou kua ōmamai ki te Mauga o Hiona, ma ki te kakai o te Atua e ola, te Ieluhalema i te lagi, fakatahi ma te afe ma afe o agelu.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.