Filipi 2:30 - Tokelauan New Testament

³⁰ auā na mea lava e mate mo te gāluega a Keliho, kae ke maua ai e au te fehoahoani tēia e hēki koutou mafaia oi fōki mai ki a te au.

Filipi 2:30 ပူးပေါင်းရင်းမြစ်များ

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Loma 16:4

ko ki lāua iēnei, na lamatia lele o lā ola ona ko au. Ko au la e fakafetai lahi lele ki ei — e hē nā ko au oioti, kae vēnā foki nā Ekalehia uma a tagata nukukehe.

1 Kolinito 15:53

Auā ko te mea e fano e pala e tatau ke hui ki he mea e hē mafai ke pala; ko te mea e fano e oti e tatau ke hui ki he mea e hē mafai ke oti.

1 Kolinito 16:10

Kāfai ia Timoteo e fanatu ki kinā, kikila lelei ifo ki ei ke nahe i ei he mea e fakapopolegia ai, auā ko he tino e galue mo te Aliki, e vē foki lava ko au.

1 Kolinito 16:17

Ko au na fiafia lele i te ōmamaiga o Hetefana, Fotunatu ma Akaiku, auā ko to lātou i kineiga, kua e vē ai lava ko koutou foki ei kinei,

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 4:12

Ko tona uiga, ko te oti e galue i loto ia te ki mātou, ka ko te ola e galue i loto ia te koutou.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 2:27

Kae e hako nae tauale, ma na mea lava e mate ai. Kae na alofa ki ei te Atua, e hē gata la ki a te ia kae vēnā foki ki a te au, ma hēki pa ai au ki he tūlaga fakanoanoa lahi.

Filipi 4:10

I toku ōlaga i te māfutaga fakatahi ma te Aliki, ko he mea e fiafia lahi ai au, ona kua toe maua e koutou he avanoa, e ui lava kua mataloa, ke fakaalia ai te koutou alolofa mai ki a te au. E hē vē ko koutou nae hē alolofa mai ki a te au — kae kogā lava nae hēai he avanoa ke fakatino ai te koutou alolofa.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Filemoni 1:13

Ko au nae fofou ke nonofo ki māua i kinei ka koi i te falepuipui ai au ona ko te Tala Lelei, kae ke kavea ai ma ō hui, ke fehoahoani mai ki a te au.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.