Filipi 2:29 - Tokelauan New Testament

²⁹ Ko te mea la ia, ke talia mai e koutou ma te fiafia te uho tēnei i te Aliki. Fakaaloalo ki nā tino e vē ko ia tēnei,

Filipi 2:29 ပူးပေါင်းရင်းမြစ်များ

Luka 9:5

ma ko fea lava e hē talia ai koutou e tagata, olo kehe ma te kakai tēnā ma lūlū kehe te pefu mai outou vae, ke fai ma fakailoga ke ki lātou iloa ai te ikuga ka pa ki lātou ki ei.”

Ioane 13:20

E takutino atu e au ki a te koutou te meamoni: ko ai lava e talia e ia he tino e uga atu e au, kua ia talia foki au; ma ko ai lava e ia talia au, kua ia talia foki tē na ia uga maia au.”

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Gāluega 28:10

E lahi a mātou meaalofa na ki lātou fōki maia, ma i te taimi ka malaga kehe ai ki mātou, na fakauta ake e ki lātou ki luga o te vaka nā mea uma nae manakomia e ki mātou mo te faiga malaga.

Gāluega 8:8

Ma na lahi lele te fiafia o tagata i Hāmālia.

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Loma 16:2

Talia ko e koutou i te igoa o te Aliki, e vē ona tatau ke fai e tagata o te Atua, ma fehoahoani ki ei i ho he mea e fofou ki ei; auā e tokalahi na kavea ia ma o lātou fehoahoani, e vēnā foki ona fehoahoani mai ia ki a te au.

1 Kolinito 16:10

Kāfai ia Timoteo e fanatu ki kinā, kikila lelei ifo ki ei ke nahe i ei he mea e fakapopolegia ai, auā ko he tino e galue mo te Aliki, e vē foki lava ko au.

1 Kolinito 16:18

ma kua ki lātou fakafiafiagia au, e vē foki lava ona ki lātou fakafiafiagia koutou. Ko nā tino vēnei e tatau ke amanakia lelei e koutou.

2 Kolinito 10:18

Auā, ko ki tātou e talia oioti e te Aliki pe kāfai ki tātou e lelei i tana kikila, kae hē ona ko ho tātou manatu ko ki tātou e lelei.

2 Kolinito 7:2

Tatala mai ko outou loto ki a te ki mātou. E hēki ki mātou fakahehēa he tino; e hēki fai kino ki mātou ki he tino, ma e hēki fakavalea e ki mātou he tino.

Filipi 2:28

Ko au la kua fofou lele ke uga atu ia Epafolotito, kae ke fiafia ai koutou kāfai koutou e toe kikila ki ei, ma ke galo atu ai foki toku fakanoanoa.

Kolohe 4:10

E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

1 Tehalonia 5:12

Ko ki mātou e fakatagi atu ki a te koutou, te kau uho, ko koutou ke āva ki nā tino e gālulue mo koutou, ki lātou iēnā e takitakia ma akoakoa koutou i te ōlaga faka-Kelihiano.

1 Timoteo 5:17

Ko nā takitaki toeaina e lelei te faiga o a lātou gāluega, e tatau ke fakaluaina o lātou totogi e maua, kae maihe lava ki lātou e gālulue fītā i te lāuga ma te akoako atu.

Epelu 13:17

Uhitaki ki nā takitaki o koutou ma fai nā mea e fakatonu atu ai koutou. E hē mapu lele ki lātou i te kikilaga o koutou, auā e tatau ke ki lātou tuku atua ki te Atua he fakamatalaga e uiga ki a lātou gāluega tautua. Kāfai koutou e uhitaki ki ei, ka fiafia foki ki lātou i te faiga o te lātou gāluega; kae kāfai koutou e hē uhitaki, ka gālulue foki ki lātou ma te fakanoanoa, ma e hē ko he mea tēnā e lelei mo koutou.

3 Ioane 1:10

Kāfai la ia au e fanatu, oi ka kikila totoka ai au ki ana mea uma kua fai; ana tala mātagā e uiga ki a te ki mātou, ma ana tala pepelo. Kae e hē malie ai lava tona loto; ka hē ia taliagia foki nā uho Kelihiano kāfai e ōmamai, ma ia tāofiofia foki nā tino o te Ekalehia e fofou ke ki lātou taliagia, ma taumafai ke tuli kehe nā tino iēnei ma te Ekalehia.