Filipi 2:27 - Tokelauan New Testament

²⁷ Kae e hako nae tauale, ma na mea lava e mate ai. Kae na alofa ki ei te Atua, e hē gata la ki a te ia kae vēnā foki ki a te au, ma hēki pa ai au ki he tūlaga fakanoanoa lahi.

Filipi 2:27 ပူးပေါင်းရင်းမြစ်များ

Gāluega 9:37

I te vāitaimi tēnā na maua i he tauale, ma na oti ai lava. Na fakatākele tona tino oi fakatakoto ai i he potu i te falealuga.

1 Kolinito 10:13

Ko nā tofotofoga kua pa koutou ki ei ko te itūkāiga lava e tahi e maua ai foki ia tagata uma. Kae ko te Atua e tauhi ki tana folafolaga, ma e hē ia tukua koutou ki he tofotofoga e hili atu i lo te koutou mālohi ke mau lelei ai autou tutū; i te taimi e tofotofo ai koutou, ka fōki atu e ia te mālohi ke maua ai e koutou te onohai, ma mafai ai ke hao kehe koutou.

2 Kolinito 2:7

Ma, i te taimi nei, kua tatau ke koutou fakamāgaloa ma fakamālohi ki ei, kae ke nahe fakavāivai ai ona ko te mafatia lahi o tona loto.

Filipi 2:26

Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale.

Filipi 2:28

Ko au la kua fofou lele ke uga atu ia Epafolotito, kae ke fiafia ai koutou kāfai koutou e toe kikila ki ei, ma ke galo atu ai foki toku fakanoanoa.

Filipi 2:30

auā na mea lava e mate mo te gāluega a Keliho, kae ke maua ai e au te fehoahoani tēia e hēki koutou mafaia oi fōki mai ki a te au.