Filipi 2:26 - Tokelauan New Testament

²⁶ Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale.

Filipi 2:26 ပူးပေါင်းရင်းမြစ်များ

Mataio 11:28

“Ōmamai ki a te au koutou uma e fītatā i nā kavega mamafa, ko au e mapu ai koutou.

Mataio 26:37

Kua kave e ia ia Petelu ma nā ataliki e toka lua o Hepetaio, ma na lagona e ia te fakanoanoa lahi ma te fakaatu.

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

Loma 1:11

Auā ko au e fofou lahi lele ke feiloaki ma koutou, kae ke mafai ai oi maua fakatahi e ki tātou he fakamanuiaga fakateagaga, ke mālolohi ātili ai koutou.

Loma 12:15

Fiafia fakatahi ma ki lātou e fiafia, faitatagi fakatahi ma ki lātou e faitatagi.

Loma 9:2

kāfai au e lea atu ki te lahi o toku fakanoanoa ma te tīgā o toku loto e hē uma

1 Kolinito 12:26

Kāfai he itūtino e fokotahi o te tino e āfāina, ko iētahi itūtino uma o te tino e āfāina fakatahi ma ia; kāfai he itūtino e vīkia, ko iētahi itūtino uma e vīkia fakatahi ma ia.

2 Kolinito 9:14

Ma e alolofa atu lele ki lātou ma tatalo mo koutou, ona ko te hilihilikehe o te alofa tūnoa o te Atua kua fakaalia e ala ia te koutou.

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Efeho 3:13

Ko te mea ia e lea atu ai au ki a te koutou, ia koutou nahe fakavāivai ona ko au e maua i puapuagā mo koutou; ko te mea tēnei e mo te manuia o koutou.

Filipi 1:3

Ko au e fakafetai ki toku Atua i nā taimi uma e māfaufau ai au ki a te koutou;

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Filipi 2:25

Kua manatu au e tatau ke uga atu ki a te koutou to tātou uho ki a Epafolotito, toku hoa i te gāluega ma nae tau fakatahi ma au, ma ko tautou kavefekau e fehoahoani mai ki a te au.

Filipi 2:27

Kae e hako nae tauale, ma na mea lava e mate ai. Kae na alofa ki ei te Atua, e hē gata la ki a te ia kae vēnā foki ki a te au, ma hēki pa ai au ki he tūlaga fakanoanoa lahi.

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

1 Petelu 1:6

Koutou ke fiafia e tuha ai ma te mea tēnei, e ui lava ko koutou e tatau ke fakanoanoa mo hina taimi, ona ko te mau tofotofoga e pa koutou ki ei.