Filipi 1:7 - Tokelauan New Testament

⁷ Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

Filipi 1:7 ပူးပေါင်းရင်းမြစ်များ

Gāluega 20:23

Oioti lava te mea e kō iloa, kua uma te lapataki mai o te Agaga Paia ki a te au, ko te falepuipui ma puapuagā e fakatalitali mai ki a te au i nā kakai uma e pa au ki ei.

Gāluega 21:33

Oi hau ai te takitakikau ki a Paulo, ma fakatonu ke puke ma noanoa i ni filifili e lua. Oi fehili vē atu ai, “Ko ai te tagata nei, ka ko he ā foki ta ia kua fai?”

1 Kolinito 13:7

Ko te alofa e hē fiu gōfie; ma e hē uma lele tona fakatuatua, tona fakamoemoe, ma tona onohai.

1 Kolinito 9:23

E fai e au nā mea uma iēnei mo te tala lelei, kae ke i ei fakatahi ai au i nā fakamanuiaga e maua mai ai.

2 Kolinito 3:2

Ko koutou lava iēnā ta mātou tuhi fakamāonia, kua tūhia i o mātou loto ke iloa ma faitau ki ei ia tagata uma.

2 Kolinito 7:3

Ko taku lea atu vēnei e hē ko he faitioga, auā kua uma lava toku lea atu ko koutou e pele lele i o mātou loto i taimi uma, pe ola ki mātou pe oti.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 3:1

Ona ko te mea tēnei, ko au ko Paulo, te pagotā a Keliho Iehu, e tatalo ki te Atua mo koutou tagata nukukehe.

Efeho 4:1

Ko au la, tē kua kavea ma pagotā ona ko au e tautua ki te Aliki, e fakatagi atu ki a te koutou: ola ko i he ōlaga e talafeagai ma te tāua o te kalaga kua kalagagia ai koutou e te Atua.

Efeho 6:20

Ko au na uga mai ke fakatino te gāluega tēnei, ma ko te māfuaaga ia kua falepuipui ai au. Tatalo ke maua e au te lototele kāfai au e tautala e uiga ki te Tala Lelei.

Filipi 1:12

Te kau uho, ko au e fofou ke koutou iloa ko te mea kua tupu ki a te au, kua ātili lele ai te tokalahi o tagata kua fakalogo ki te Tala Lelei.

Filipi 1:13

Kua iloa e nā leoleo Loma uma ma nā tino uma lele i kinei, ko au e i te falepuipui ona ko au ko he kaukauna e a Keliho.

Filipi 1:14

Kua kavea toku i te falepuipui ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau e aunoa ma he mataku.

Filipi 1:5

ona ko tautou fehoahoani ki a te au i te tālakiga o te Tala Lelei, mai te aho muamua ke pa mai nei.

Filipi 2:22

Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi ki māua e vē lava he ataliki ki a te au, i te tālakiga o te Tala Lelei.

Filipi 4:14

Kae te lelei na mafai e koutou oi fehoahoani mai i nā taimi faigatā nae feagai ma au.

Filipi 4:15

E iloa lelei lava e koutou iēnā i Filipi, i te fano kehega o oku ma Maketonia i te kāmataga o te tālakiga o te Tala Lelei, e hēai hētahi Ekalehia na gālulue fakatahi ki mātou na fōki maia ki a te au he fehoahoani ma talia e au, kae vaganā ai lava koutou.

Filipi 4:3

Ma ko koe foki toku hoa moni, ko au e fofou ko koe ke fehoahoani ki nā fafine iēnei; auā nae gālulue mālohi ki lāua fakatahi ma au i te tālakiga o te Tala Lelei, fakatahi ma Kelemete ma iētahi hoā kaukauna, iēia kua tūhia o lātou igoa i te tuhi o te ola, a te Atua.

Kolohe 4:18

Ko toku lima lava te tuhi atu ai au vēnei: Ni alofaaga mai ia Paulo. Nahe puli i oku filifili e noanoa ai au. Ke ia te koutou te alofa tūnoa o te Atua.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

1 Tehalonia 5:5

Ko koutou uma lele ni tino e o te mālamalama, ni tino e o te ao. Ko ki tātou e hē ni tino e o te pō, pe o te pōuliuli.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

Filemoni 1:13

Ko au nae fofou ke nonofo ki māua i kinei ka koi i te falepuipui ai au ona ko te Tala Lelei, kae ke kavea ai ma ō hui, ke fehoahoani mai ki a te au.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

2 Petelu 1:13

E manatu au ko he tiute e o oku, ke fakamanatu atu pea nā mea iēnei ki a te koutou ka koi ola au,

1 Ioane 3:14

E iloa e ki tātou ko ki tātou kua olo kehe mai i te tūlaga nae vē ai ki tātou kua oti, ki te ola, auā ko ki tātou e alolofa ki o tātou uho Kelihiano. Ko ai lava la he tino e hē alofa, koi lalo lava ia o te pule a te oti.