Filipi 1:30 - Tokelauan New Testament

³⁰ Ko koutou ma au e tau fakatahi i te taua. Ko te taua lava e tahi na koutou kitea e tau e au i nā aho kua teka, ma koi tau ai pea lava toku tagata nei, ke pa mai lava ki te taimi nei.

Filipi 1:30 ပူးပေါင်းရင်းမြစ်များ

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Filipi 1:13

Kua iloa e nā leoleo Loma uma ma nā tino uma lele i kinei, ko au e i te falepuipui ona ko au ko he kaukauna e a Keliho.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

Kolohe 2:1

Ko au e fofou ke koutou iloa, ko au e galue ma te fakamākeke mo koutou ma nā tino i Laotikeia, vēnā foki mo ki lātou uma ko hēki ki lātou iloa au.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Epelu 12:4

I nā taumafaiga a koutou ke teteke atu ki te agahala, ko hēki pa lele koutou ki te tūlaga e vē kua lamatia ai outou ola.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.