Filipi 1:29 - Tokelauan New Testament

²⁹ Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

Filipi 1:29 ပူးပေါင်းရင်းမြစ်များ

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Kolohe 2:12

Auā i te papatihoga o koutou, ko koutou na tanu fakatahi ma Keliho, ma e ala i te papatihoga na toe fakatutū mai ai foki koutou mai te oti fakatahi ma Keliho e ala i te koutou fakatuatua ki te mana galue o te Atua, tē na ia toe fakatūa ia Keliho mai te oti.

Iakopo 1:2

Te kau uho, koutou ke fiafia kāfai koutou e maua i te lahi o itūkāigā tofotofoga kehekehe,

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.