Filipi 1:28 - Tokelauan New Testament

²⁸ Koutou nahe mātataku i nā tino e teteke atu ki a te koutou; loto toa i taimi uma ma ka fai tēnā ma fakamāoniga ki a te ki lātou, ko ki lātou ka fakatōkilalogia ka ko koutou ka manumālō, ona ko te Atua e ia fōkiatua te manumālō ki a te koutou.

Filipi 1:28 ပူးပေါင်းရင်းမြစ်များ

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Maleko 3:3

Kua vāgana atu ia Iehu ki te tamāloa, “Hau ki mua i kinei.”

Luka 3:6

ma ka kitea e tagata uma lele te fakaolataga a te Atua!’ ”

Ioane 16:8

Ma kāfai te koutou Fehoahoani e hau, ka ia fakamāonia ki tagata o te lalolagi, te hehē o to lātou tāofi e uiga ki te agahala, ma e uiga ki te mea e hako, ma e uiga ki te fakamahinoga a te Atua.

Gāluega 28:28

Kua fakaiku te tautalaga a Paulo oi lea vē ai: “E tatau la ke koutou iloagia, ko te fekau e uiga ki te fakaolataga a te Atua, kua kave ki nā tino nukukehe! Ka fakalogo ki lātou ki ei!”

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

Epelu 13:6

Tātou fakamākeke la ma lea vē, “Ko te Aliki ko toku fehoahoani ia, ko au ka hē mataku. He ā ta he tino e mafai ke fai mai ki a te au?”

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.