Filipi 1:27 - Tokelauan New Testament

²⁷ Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 1:27 ပူးပေါင်းရင်းမြစ်များ

Mataio 12:25

Kua iloa e Iehu nā mea i o lātou māfaufau, oi vāgana atu ai ki ei, “Ho he mālō e fevaevaeaki ma tauai miha lava ki lātou, ka hē tūmau mataloa. Ma ho he nuku pe he kāiga e fevaevaeaki ma tauai miha lava ki lātou, ka mālepelepe.

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Gāluega 24:24

Kua teka atu ni nai aho, oi ōmamai ai ia Felika ma tana āvaga ko Tolouhile, he fafine Iutaia. Na fekau e ia ia Paulo, oi fakalogologo ai kae kua tautala ia Paulo e uiga ki te fakatuatua ki a Keliho Iehu.

Gāluega 4:32

Kua gātahitahi ia loto ma māfaufau o te vāega kua talitonu ki a Iehu. E hēai lele he tino o ki lātou na lea ko ana meatōtino e a ia lava, kae na ki lātou fakaaogā fakatahi nā mea uma lele a ki lātou tau tokatahi.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Loma 1:9

E molimau te Atua ko te mea e lea atu ai au e moni — te Atua e tautua au ki ei ma toku loto kātoa, e ala i te tālaki atu e au o te Tala Lelei e uiga ki tona Ataliki. E iloa e te Atua ko koutou e kō manatua pea lava

Loma 10:8

Ko te mea e lea mai ai ko tēnei: “Ko te fekau a te Atua e i outou tafa, e i outou laugutu ma e i outou loto” — ko te fekau tēnā e uiga ki te fakatuatua e tālaki e ki mātou.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 15:29

Ma kāfai au e pa atu, e mautinoa e au ko au e fanatu ma te kātoaga o nā fakamanuiaga mai ia Keliho.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

2 Kolinito 9:13

Ona kua fakamāoniagia tautou gālulue tautua, toutou lima fōaki ma te koutou fakamāoni i te folafolaga o te Tala Lelei ki a Keliho, ka vīkia ai te Atua e te tokalahi o tagata.

Kalatia 1:7

Ko te mea moni, e hēai hētahi Tala Lelei! Kae ko au kua lea vēnei atu ona e i ei nā tino e fakalavelave atu ki a te koutou ma taumafai ke liliu kehe koutou mai te Tala Lelei a Keliho.

Efeho 1:13

Ma ko koutou foki na kavea ma tagata o te Atua i te lagonaga e koutou te kupu moni — te Tala Lelei na maua ai e koutou te fakaolataga. Ko koutou kua talitonu ki a Keliho, ma kua tuku e te Atua ki outou luga tana fakailoga e iloa ai ko koutou e a ia, e ala i te Agaga Paia kua fōki atu e ia ki a te koutou, e vē oi folafola e ia.

Efeho 1:15

Ona ko te māfuaaga tēnei, talu lava te lagona e au e uiga ki te koutou fakatuatua ki te Aliki ko Iehu ma te koutou alolofa ki tagata o te Atua,

Efeho 4:1

Ko au la, tē kua kavea ma pagotā ona ko au e tautua ki te Aliki, e fakatagi atu ki a te koutou: ola ko i he ōlaga e talafeagai ma te tāua o te kalaga kua kalagagia ai koutou e te Atua.

Filipi 1:5

ona ko tautou fehoahoani ki a te au i te tālakiga o te Tala Lelei, mai te aho muamua ke pa mai nei.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Filipi 2:24

Ma e talitonu au, kāfai e tuha ai ma te finagalo o te Aliki, ka mafai foki au ke vave pa atu ki a te koutou.

Filipi 3:18

Kua lea fakafia atu au ki a te koutou i te mea tēnei, ma ka toe lea atu foki au ma te maligi o oku loimata; e tokalahi nā tino e ola i he ōlaga kua kavea ai ki lātou ma fili o te hātaulo o Keliho.

Filipi 3:20

Kae ko ki tātou ni tagatānuku e o te lagi, e fakatalitali ma te amanaki ki to tātou Fakaola, te Aliki ko Iehu Keliho, ke haele ifo mai te lagi.

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Kolohe 1:4

Auā kua fakalogo ki mātou ki te koutou fakatuatua ki a Keliho Iehu, ma te koutou alolofa ki tagata uma o te Atua.

1 Tehalonia 3:6

Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 1:19

ma tāofi mau ki te fakatuatua ma te lotofuatia e mamā. Ko iētahi tino kua hē fakalogo ki o lātou lotofuatia, ma kua fakahēaogā ai e ki lātou to lātou fakatuatua.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Tito 2:10

pe kaihohoa a lātou mea. Kae e tatau ke fakaali e ki lātou ko ki lātou e lelei pea lava i taimi uma ma fakamāoni, kae ke takuleleia ai nā akoakoga e uiga ki te Atua to tātou Fakaola, i nā mea uma e fai e ki lātou.

Filemoni 1:5

Auā kua fakalogo au ki tō alofa ki tagata o te Atua, ma tō talitonu ki te Aliki ko Iehu.

Iakopo 3:18

Kāfai e totō nā fatu o te fīlēmū e nā tino e fakatupua te fīlēmū, ka helehele e ki lātou te āmiotonu.

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.