Filipi 1:26 - Tokelauan New Testament

²⁶ ma kāfai la ka toe āhiāhi atu au ki a te koutou, ka fakaatili lele ai te koutou fiafia i te māfutaga fakatahi ma Keliho Iehu, ona ko te mea na tupu ki a te au.

Filipi 1:26 ပူးပေါင်းရင်းမြစ်များ

Ioane 16:22

E vēnā foki la koutou; i te taimi nei ko koutou e fakanoanoa, kae ka toe kitea au e koutou, ma ka fakatumulia ai outou loto i te fiafia, te itūkāigā fiafia e hē mafai e he tino oi kave kehe mai ia te koutou.

Ioane 16:24

Ke pa mai ki te taimi nei, ko hēki gogō lele atu koutou ki he mea i toku igoa; gogō atu oi maua ai e koutou, kae ke kātoatoa ai te koutou fiafia.

2 Kolinito 5:12

Ko ki mātou e hē taumafai ke toe fakavikiviki lava ki mātou e ki mātou ki a te koutou; kae ko ki mātou e taumafai ke fai he mea ke fāfifia ai koutou ona ko ki mātou, kae ke mafai ai e koutou oi tali atu ki nā tino e fāfifia ona ko te tūlaga kua i ei he tino, kae hē ona ko nā mea i tona loto.

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

2 Kolinito 7:4

Ko au e talitonu kātoatoa ki a te koutou; e lahi toku fāfia ona ko koutou. E ui i te lahi o nā fakafītāuli e feagai ma ki mātou, ko au e loto tele pea lava; ko au e fakatumulia i te fiafia.

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

Kalatia 6:4

E tatau ke kikila totoka ifo lava te tino ki ana lava gāluega na fai. Kāfai e lelei ana gāluega, oi e tatau ai lava la ke ia lagona te fāfia i tona loto. Kae nahe ia fakatuhatuhagia ki ni mea a hētahi tino kua fai.

Filipi 3:1

Ko aku toe kupu, te kau uho, koutou ke fiafia i te māfutaga a koutou fakatahi ma te Aliki. E hēai he mea e i ei kāfai au ka toe lea atu i nā mea na tuhi atu ai au muamua. E mo te koutou haogalēmū kāfai au e toe lea atu ai.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Filipi 4:10

I toku ōlaga i te māfutaga fakatahi ma te Aliki, ko he mea e fiafia lahi ai au, ona kua toe maua e koutou he avanoa, e ui lava kua mataloa, ke fakaalia ai te koutou alolofa mai ki a te au. E hē vē ko koutou nae hē alolofa mai ki a te au — kae kogā lava nae hēai he avanoa ke fakatino ai te koutou alolofa.

Filipi 4:4

Koutou ke fiafia pea lava i te māfutaga a koutou fakatahi ma te Aliki. Ko au e toe lea atu; koutou ke fiafia!