Fakaaliga 9:5 - Tokelauan New Testament

⁵ E hēki fakatagagia nā hē akelihe ke tāmate e ki lātou nā tino iēnei, kae nā ke fakatīgāina lahi lele oioti mo ni māhina e lima. Ko te tīgā e vē ko te tīgā e maua i te kati a te akalava.

Fakaaliga 9:5 ပူးပေါင်းရင်းမြစ်များ

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Fakaaliga 11:7

Kāfai e uma te molimaugia e ki lāua te fekau a te Atua, e fanake ki luga te manu fekai mai te lua e hēai he gataga o tona loloto, oi tau ma ki lāua; ma ka ia fakatōkilalogia ma tāmatea ki lāua,

Fakaaliga 13:5

Na fakataga te manu fekai ke fai ona gugutu ma ana kupu fāifāi ki te Atua, ma na fakataga ke ia te ia te pule mo he fahefulu lua māhina.

Fakaaliga 13:7

Na fakataga ke tau ma tagata o te Atua ma ke fakatōkilalogia ki lātou, ma na fōki ki ei te pule ke ia pūlea ai ia nuku uma, mālō uma, gagana uma ma lanu uma.

Fakaaliga 9:10

E i ei o lātou hikuhiku ma e kati e vē ko te kati a te akalava, ma ko o lātou hikuhiku te i ei te mālohiaga ke fakaogohia ai ia tagata mo he lima māhina.

Fakaaliga 9:3

Na ōifo ki lalo nā hē akelihe mai te ahu ki luga o te lalolagi, ma na fōki ki ei te mālohiaga ke vē ko te akalava, ke takati ai ia tagata.