Fakaaliga 9:4 - Tokelauan New Testament

⁴ Na fakatonu ki lātou ke nahe ki lātou fakakinoa te mutia, pe ko nā lākau, pe ni iētahi tamā lākau; kae ke fakakino oioti nā tino e hē i o lātou muāulu te fakamaufakailoga a te Atua.

Fakaaliga 9:4 ပူးပေါင်းရင်းမြစ်များ

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Fakaaliga 14:1

Oi kikila atu ai au, ma kō kitea atu te Punuamāmoe e tū i luga o te Mauga o Hiona; e i ei fakatahi ma ia nā tino e 144,000 kua tūhia i o lātou muāulu tona igoa ma te igoa o tona Tamana.

Fakaaliga 6:6

ma na lagona e au he mea e vē he leo, e hau i te mea e i ei ai nā meaola e fa, e lea vē, “Ko te tēnali e fokotahi e maua ai ni pauna falaoa e lua e fai i te haito, pe ni pauna falaoa e ono e fai i te kālite. Kae nahe fakakinoagia nā togāolive ma nā tōvine!”

Fakaaliga 7:1

Kua uma atu te mea tēnei, oi kō kitea atu ai nā agelu e toka fa e tutū i nā tulimanu e fa o te lalolagi, e tāofiofi nā matagi e fa kae ke nahe i ei he matagi e agi ki luga o te laukelekele, pe ki luga o te tai, pe ki ho he lākau.

Fakaaliga 8:7

Kua ili te pu a te agelu muamua, oi to ai ki luga o te laukelekele he ua aiha ma te afi e palu fakatahi ma te toto. Na mu ai te tahi vaetolu o te laukelekele, te tahi vaetolu o nā lākau, vēnā ma nā lau mutia uma lele.