Fakaaliga 8:5 - Tokelauan New Testament

⁵ Oi tago ai te agelu ki te ipu fakamū meamanogi oi fakatumu i nā malala ola mai te afi i te fata faitāulaga, ma togi ifo ki te lalolagi. Kua gāpāpā ia faititili ma tāgulu, kānapanapa ia uila ma lūlū he mafuie.

Fakaaliga 8:5 ပူးပေါင်းရင်းမြစ်များ

Mataio 24:7

Ka hiki taua tētahi fenua ki tētahi fenua, ma tētahi mālō ki tētahi mālō. Ka i ei nā oge ma nā mafuie i nā koga kehekehe uma.

Luka 12:49

“Ko au na hau oi kaumai te afi ke huhunu ai te lalolagi, ma kai au te fofou lele ko te afi kua uma te fakamumū!

Gāluega 16:26

Kae nā lava e teki kua to he mafuie lahi ma lūlū ai te falepuipui i ona fakavae. I te taimi lava tēnā na mātalatala ai nā faitotoka o te falepuipui ma pakukū kehe nā filifili mai nā pagotā uma lele.

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.

Fakaaliga 11:19

Oi tatala ai te mālumalu o te Atua i te lagi, ma na kitea ai i kinā te Puha o te Feagaiga. Oi kānapanapa ai nā uila, gāpāpā nā tāgulu, ma lūlū he mafuie, ma to nā ua aiha mamafa.

Fakaaliga 4:5

E kānapanapa nā uila mai te nofoāliki, ma gugulu ma gāpāpā nā tāgulu. I mua o te nofoāliki, e fitu ia lama e mumū ai, ko nā agaga iēnā e fitu a te Atua

Fakaaliga 6:12

Oi kō kitea atu ai te Punuamāmoe e tatala e ia te fakamaufakailoga tona ono. Na lūlū te mafuie lahi ma pōulitia te la e vē he kie vavae uliuli, ma ko te māhina kua lanu kukula kātoa e vē ko te toto.

Fakaaliga 8:3

Kua hau tētahi agelu e kuku i tona lima he ipu aulo fakamū meamanogi, ma tū i tafa o te fata faitāulaga. Na tuku atu ki a te ia nā meamanogi e lahi, ke ia ofo atua ki te Atua fakatahi ma nā tatalo a tagata o te Atua, i te fata faitāulaga aulo i mua o te nofoāliki.