Fakaaliga 8:3 - Tokelauan New Testament

³ Kua hau tētahi agelu e kuku i tona lima he ipu aulo fakamū meamanogi, ma tū i tafa o te fata faitāulaga. Na tuku atu ki a te ia nā meamanogi e lahi, ke ia ofo atua ki te Atua fakatahi ma nā tatalo a tagata o te Atua, i te fata faitāulaga aulo i mua o te nofoāliki.

Fakaaliga 8:3 ပူးပေါင်းရင်းမြစ်များ

Luka 1:10

ka ko te tokalahi o tagata, nae tatalo i fafo i te itūlā o nā tāulaga meamanogi.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Epelu 9:4

I loto i kinā, nae i ei ai te fata faitāulaga aulo mo te fakamūga o nā meamanogi. Nae i loto ai foki te Puha o te Feagaiga e ufiufi i te aulo ia fafo ma loto, ma nae i loto ai nā aulo vēnā ma he fagu aulo e i loto ai te mānai, te tokotoko o Alona na ola ake ai nā lau, ma nā pa tuhituhi e lua e gaohia i te papa, e tūhia ai i luga nā fakatonuga a te Atua.

Fakaaliga 10:1

Oi kō kitea atu ai hētahi agelu mālohi e fanaifo ki lalo mai te lagi. E tāpulupulu i he ao ma he nuanua e fakatāmilo i tona ulu; ko ona fōliga e vē ko te la, ma ona vae e vē ni poutū e mumū i he afi.

Fakaaliga 14:18

Oi hau ai hētahi agelu mai te fata faitāulaga, ko ia tēnei e pule i te afi. Kua kalaga leo lahi atu ki te agelu e ia te ia te naifi helehele kakaha, kua lea vē atu, “Fakaaogā tau naifi helehele, ma tipi kehe nā fuāvine mai te tōvine o te lalolagi, auā ko nā fuāvine kua pula.”

Fakaaliga 5:8

I te kave kehega e ia, oi fakapakukū ai ki lalo nā meaola e fa ma nā toeaina e lua hefulufa, ki mua o te Punuamāmoe. E tofu nā toeaina ma te kītala ma te ipuloloto aulo e tumu i nā meamanogi fakamū, ko nā mea iēnei ko nā tatalo iēnā a tagata o te Atua.

Fakaaliga 6:9

Oi tatala ai e te Punuamāmoe te fakamaufakailoga tona lima. Na kitea atu e au i lalo o te fata faitāulaga nā agaga o nā tino na tāmate ona na ki lātou tālakia te kupu a te Atua, ma na kavea ma molimau fakamāoni.

Fakaaliga 7:2

Ma na kō kitea atu hētahi agelu e fanake ki luga mai te ohoga o te la, ma te fakamaufakailoga a te Atua ola. Kua kalaga leo lahi ki nā agelu e toka fa na tuku ki ei te pule e te Atua ke fakakino ai te laukelekele ma te tai.

Fakaaliga 8:4

Oi fanake ai ki luga te ahu o nā meamanogi kua fakamū, fakatahi ma tatalo a tagata o te Atua mai nā lima o te agelu e tū i mua o te Atua.

Fakaaliga 8:5

Oi tago ai te agelu ki te ipu fakamū meamanogi oi fakatumu i nā malala ola mai te afi i te fata faitāulaga, ma togi ifo ki te lalolagi. Kua gāpāpā ia faititili ma tāgulu, kānapanapa ia uila ma lūlū he mafuie.

Fakaaliga 9:13

Oi ili ai te pu a te agelu tona ono, ma na kō lagona he leo e hau mai he tulimanu o nā tulimanu e fa o te fata faitāulaga aulo e tū i mua o te Atua.