Fakaaliga 7:9 - Tokelauan New Testament

⁹ Kua uma atu te mea tēnei, oi kō kitea atu ai he kaifenua e tokalahi — e hē mafai ke faitau e he tino te tokalahi! Na ōmamai mai lanu uma, nuku uma, mālō uma ma gagana uma, ma e tutū i mua o te nofoāliki ma te Punuamāmoe. E kokofu papae ma tāofi nā laupama i o lātou lima.

Fakaaliga 7:9 ပူးပေါင်းရင်းမြစ်များ

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Ioane 12:13

Oi kave ai e ki lātou nā launiu ma oatu kua fakafetaui ki a te ia, ma taufai kālalaga vē, “Ke vīkia te Atua! Ke fakamanuia e te Atua ki tē e hau i te igoa o te Aliki! Ke fakamanuia e te Atua te Tupu o Ihalaelu!”

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Efeho 6:13

Ko te mea ia, kokofu loa i te kofutau kātoatoa o te Atua! Kāfai la e pa mai te aho kino, e koutou mafaia oi teteke atu nā ohofakiga a te fili, ma kāfai e uma te tau o koutou ke pa ki te ikuga, ka hē māluelue lele te koutou tutū.

Epelu 11:12

E ui lava ko Apelaamo kua mate, kae mai i te tino tēnei e fokotahi, na tutupu mai ai nā lāpuna o ia e tokalahi e vē ko te lahi o nā fetu i te lagi, ma e vē ko te lahi o nā fuāoneone i te matāfaga.

Epelu 12:22

Kae ko koutou kua ōmamai ki te Mauga o Hiona, ma ki te kakai o te Atua e ola, te Ieluhalema i te lagi, fakatahi ma te afe ma afe o agelu.

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 22:3

Ka hē toe i ei lele he mea na fetū e te Atua e maua i loto o te kakai. Kae ka i loto ai te nofoāliki o te Atua ma te Punuamāmoe, ma ka ifo atu ki a te ia ana kaukauna.

Fakaaliga 3:18

Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

Fakaaliga 5:11

Na toe kikila atu foki au, ma kō lagona nā agelu e faitau afe ma afe ma miliona ma miliona, e tutū hiko fakatāmilo i te nofoāliki, i tua mai o nā meaola ma nā toeaina,

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.

Fakaaliga 6:11

Oi tuku atu ai ki a te ki lātou tau tokatahi he kofu tatao paepae ma fakatonu ke mapu tahi mālie, ke pa ki te taimi e kātoatoa ai te fuainumela o nā hoa kaukauna ma nā uho Kelihiano e tatau ke tāmate, e vē foki lava ko ki lātou na tāmate.